رواية جديدة بقلم الكاتبة يارا عبد السلام
هنقف على أنها تكون وحشه بس...
عدا ال٨ ساعات وكانوا اصعب ٨ساعات عليه كأنها هتحدد هوا هيكمل ولا لا ...
الدكتور جه
_صباح الخير يا يحيي
يحيي بلهفه ومن غير مقدمات
_ماما عملت اي
_انا عارف انك قلقان متقلقش هي هتكون كويسه انا هشوفها دلوقتي
الدكتور دخل ويحيي وقف قدام الباب مش عاوز يشوفها ومش قادر يتحرك متربط كان نفسه يكون دكتور كان زمانه عرف يساعدها
_الحمد لله هى دلوقتي شبه فاقت وكمان عدت مرحلة الخطړ وتقدر تشوفها وتتكلم معاها لما هتحس بيك هتفتح عينيها
يحيي سمع كلامه ودخل ووقف قدام السرير وقرب منها ومسك ايديها..
قلبي واجعنى وانتى في الوضع دا ومش عارف اعملك حاجه ..
وحشتيني اووي يا ماما جوايا حاجات كتير عاوز اقولها لك عاوز انام وأحط راسي على رجلك وتحسسي على شعري واحكيلك كل اللي جوايا..
وعمو يحيي بيحبك يلا علشان تتجوزوا وافرح بيكوا احلا ام وأحلا اب ..
وفضل يتكلم كتير اووي لحد ماحس أن أيدها بتتحرك تحت أيده فتح عينه ومسح دموعه وبصلها بذهول ..
سمع انين من تحت جهاز التنفس وبدأت انها تفتح عينيها ...
يحيي بفرحه
_يا دكتور ماما فاقت
قالها مرات كتير والممرضه جت وجابت الدكتور ...
وفحصها .
وكلمها
_عامله اي قلقتينا كلنا عليكي
الحمد لله بس حاسه انى دايخه
_دا بس علشان انتى بقالك اسبوع مفارقانا
اي اسبوع
وبصت ليحيي كأنها بتقوله انا اسفه عن اللي عملته دا
_وحشتيني يا امى البيت ضلمه اووي من غيرك انا كنت حاسس انى ھموت لو جرالك حاجه لي خبيتي عليا انك عندك السكر
_كفايه اللي انت كنت فيه يا حبيبي
_يا امي انتى اهم من كل حاجه انتى اهم مني انتى عارفه أن لو جرالك حاجه انا ممكن اموت فيها وعارفه انى مقدرش اعيش من غيرك
عارفه يا حبيبي ربنا يخليك ليا
_هههههه ماشي يا حبيبي
_اه وكمان النهارده اول يوم رمضان فعاوز محشي
_ياااه هوا انا نمت كتير كدا
_شوفتي بقى مكنتيش خاېفه على ولادك الغلابه دول
_لا طبعا يا حبيبي خاېفه انت عارف كويس انتو عندي اي بس انا الدول كان خلص من عندي ومعرفتش اشتريه بسبب الظروف اللي كنا بنمر بيها
مر يومين وفريده حالتها استقرت وخرجت من المستشفى ونور فرحت اووي وفارس وقضوا شهر رمضان في خير ومحبه ولمه وكان معاهم يحيي الكبير كان بيفطر معاهم ..
وكمان اتفقوا أن يكون كتب كتابهم في العيد الصغير
_شكلي حلو
دي كانت كلمه فريده اللي كانت حاسه نفسها عندها عشرين سنه مش حاجه وأربعين كانت بتقول لنور ..
_يا ماما انتى قمر في كل حالاتك انا اول مره اشوف اللمعه دي في عنيكي انتى جميله اووي وعمو يحيي كمان ياريتك كنتي قابلتيه من زمان ..
_يا حبيبتي محدش بياخد اكتر من نصيبه .صح ولا اي..
_اكيد ..
المهم انتى متاكده انك امى انا حاسه انك اختى عمو يحيي هيدلع النهارده
_امشي يبت يبكاشه من هنا
في الوقت دا دخل يحيي..
وصفر ..
_اوووبا اي يا ماما الجمال دا لا انا مقدرش على
