حكايه رهف
ليه ده اكيد من دعاوى الناس عليه وانا اولهم
وقامت راحت قعدت جنب الدكتور وقالت له ارجوك ركز معايا ارجوك انت اللى بأيدك ترجع لى ابنى اللى راح منى
الدكتور اللى راح مابيرجعش صدقينى مابيرجعش انا الاثنين راحوا مع بعض فى ثانيه واحده حد منهم رجع تانى ابدا
رهفعشان خاطرى ارجوك اسمعنى طيب
الدكتوراسمع ايه
الدكتورانا عملتلك عمليه انا بطلت يابنتى ما خلاص ورجع كرر كلامه هشتغل ليه وعشان مين
اسماءيوو دا باين كده مافيش فايده فيه وبعدين
ومسكت رهف فى درعاته لا بقولك ايه اسمعنى كويس انت لازم تتكلم يا اما والله اخنق بأيدى
ولسه هتمسك فيه دخلت اخت الدكتور وقالت ايه اللى بيحصل
انتوا مين وانتى ماسكه فى اخويا الدكتور كده ليا
وندهت على الخدامه وزعقت فيها انا مش قولت ليكى ما تدخليش حد يقابل الدكتور
رهف بصت ليها وقالت اخوكى الدكتور اللى زعلانه عليه اوى كده خطڤ ابنى من بطنى واداه لغيرى عشان الفلوس والطمع
اخت الدكتورانتى مجنونه ولا ايه ايه الكلام اللى بتقوليه ده
الدكتوراه دى مجنونه اه فعلا مجنونه كانت عاوزه تموتنى
اسماء بصت لاخت الدكتور وقالت بقولك ايه هتسمعى مننا ونحل الموضوع بالذوق كده ولا ننزل على القسم ونعمل بلاغ ويجبوه هما يحققوا معاه ويعرفوا كل كبيره وصغيره واحنا عندنا شهود على اللى عمله فى الغلبانه دى وفى ابنها
رهفانا هكلم فيكى ضميرك هخاطب امومتك انا ابنى ضاع منى
انا كنت اتطلقت من فتره واهل جوزى طردونى فى الشارع ونمت فى الشارع وانا على وش ولاده جم بنتين منهم لله رشوا عليا بنج وبنجونى واخدونى لاخوكى الدكتور وولدنى قيصري واخدوا ابنى وحطوا لى ابنهم المېت
رهفدا موضوع كبير وحوار يطول شرحه هبقى اقولك عليه بعدين بس ارجوكى ابوس ايدك ساعدتى انا هتجنن دا ابني انتى عارفه يعنى ايه ابنى
اخت الدكتورطب اخويا الدكتور وزى ما انتى شايفه مش دارى بنفسه من ساعة أولاده ما ماتوا وامهم بعديهم وانا جيت قعدت معاه لانه بقى غير مسؤل عن نفسه تفتكرى هيقدر يفيدك فى ايه وهو بالشكل ده
وترجعى ابن لحضن امه يمكن ده يخلي ربنا يسامح اخوكى على اللى عمله فيها
اخت الدكتور اتفضلى قولى
اسماء اكيد الممرضه كانت بتقيد عمليات الولاده والكشف كل يوم صحيح ممكن ما تسجلش عملية رهف بس اكيد هتسجل كشف وولادة البنت اللى ولدت الطفل مېت حضرتك هتجيبي السجل ده من العياده ورهف تفتكر تاريخ اليوم اللى اتعمل فيها العمليه دى
ونشوف مين اللى اتعمل ليها عملية ولاده وقتها واحنا هنتصرف
اخت الدكتور وافرضى كان فى اكتر من وحده
اسماءاهو يبقى قربنا ووقتها هنشوف هنتصرف ازاى
اخت الدكتورحاضر عشان خاطر الغلبانه اللى هتتجنن دى بكره نتقابل ونروح على العياده
رهف لا انا مش هقدر انتظر لحد بكره ارجوكى ننزل دلوقتى
اخت الدكتور دلوقتى ازاى انا لسه راجعه من بره وتعبانه
رهفارجوكى ربنا ما ېحرق قلبك على غالى ابدا
اخت الدكتور امرى لله بس طبعا تضمنى لى انا اخويا بعيد عن الموضوع انا عارفه ان الغلط غلطه بس متهيألي هو اتجازا بما فيه كفايه ومش حمل بهدلت أقسام وحبس
رهفحاضر حاضر انا كل اللى يهمنى اخد ابنى فى حضنى
دخلت جابت مفتاح العياده ونزلت معاهم ووصلوا للعياده
فتحوا العياده وجريت رهف على مكان السجلات وفتحته وفضلت تدور على التاريخ اللى اتعمل ليها العمليه فيه وجدت ثلاث عمليات فى الوقت ده
اسماء قالت ليها وشوفى بردو اليوم اللى قبله بصت فيه ما كنش فيه اى عمليات
اخدت البيانات المكتوبه عن أصحاب عمليات الولاده
اسماء كان معاها تليفون صورت الصفحه فى الدرى بسرعه اللى فيها البيانات
اخت الدكتور قربت منهم وقالت خلصنا بقى ولا ايه
اسماء اه احنا متشكرين ليكى اوى
وراحوا خرجوا من العياده
اخت الدكتور زى ما اتفقنا اخويا ما يجيش سيرته
اسماء اه اكيد طبعا
وراحو نزلين
اسماء احنا نرجع دلوقتى على المستشفى
رهف ايه ارجع فين انا هتصل عليهم واحده واحده وهروح ليهم
اسماءانتى عبيطه هتوصل تقولى ايه انتوا اللى خطفتوا ابنى
رهفخلاص هروح ليهم واحده واحده
اسماءيابنتى اللى مكتوب هنا فى العنوان المنطقه بس لا فى شارع ولا عماره ولا شقه وبعدين هتدورى على مين ولا مين
اسمعى كلامى احنا نرجع المستشفى ونفكر بهدوء كده ونشوف هنوصل ليهم ازاى وهندخل ليهم ازاى وهنقول ليهم ايه
ونورى البيانات بتعتهم للبنت اللى كانت شغاله فى العياده
