رواية خطوبة الندامة كاملة جميع الفصول بقلم ايمان شلبي
-طبعا،يعني مثلا في شخص ممكن يحب شخص تاني عشان شكله،ممكن عشان حنين،ممكن عشان بيهتم بيه،ممكن عشان بيسمعه في كل وقت من غير ما يزهق،ممكن عشان متقبله في كل الأحوال
انتي بقي لما حبيتي خالد ده حبتيه ليه
-عشان كان في كل الصفات ديه
-بس كانت مزيفه في البدايه مش كده ؟
-بالظبط
-بدأتي تكتشفي انه مش كده ازاي
ابتسمت بسخرية:
-مرايه الحب عاميه بعيد عنك
-زعلانه
-اكيد بس مش عليه
-علي نفسك
-صعبان عليا نفسي فوق ما تتخيل
-ربنا يعوضك خير يارب
-يارب عن اذنك -تصبحي علي خير
ابتسمت برقه
-وانت من أهل الخير
واقول خفيت ومش هرجع لأحزاني، اشوفك بس بتعدي يدبدب قلبي من تاني... أكيد في حد ف العالم دعى مره عليا بقلب وقال يارب بالأيام تسيب نفسك لوجع الحب وكانت ساعه فيها جواب عن الدعوه اللي تأذيني
-لا يعني لا مش عايزه اتخطب تاني مش عايزه حد مش عايزه بقي كفااايه حرام عليكي
ماما وهي بتمسكني من دراعي وبتهزني جامد:
لسه بتحبيه وبتفكري فيه ليه انتي مفيش عندك كرامه ليه؟؟
كفايه انتي بقي تعبتيني معاكي كفااااايه حرام عليكي هتفضلي ترفضي لحد أمتي لحد ما تعنسي جنبي وقتها سيى زفت مش هينفعك مش هيرجعلك ولا هترجعيله بعد اللي هببه،يقطع الحب وسنينه يابعيده
الظاهر أن انا وابوكي دلعناكي كتير اوي قولتي اما اسوق فيها
قالت كلامها بكل قس*وه وخرجت من الاوضه..
قعدت علي السرير وفضلت أعيط جامد،مكنتش عارفه اتصرف ازاي
انا مش هقدر ادخل تجارب تاني،مش هقدر احب حد تاني واهدر مشاعري معاه واكتشف في الآخر أنه ميستاهلش حبي واسيبه
لا لا انا مبدأتش اتعافي أنا لسه زي مانا،لسه مكاني،لسه قلبي واجعني
في جروح مش ممكن تتداوي مهما مر الوقت،بتفضل معلمه جوانا وللأبد
-بس بس
مسحت دموعي وخرجت البلكونه رفعت راسي وانا برد بصوت مبحوح
-نعم ياسالم
