روايه احببتك من النظره الاولى بقلم بثينة الشناوى

احببتك من النظرة الأولى بقلم بثينة الشناوى
يحيى.. بحبك
أميرة.. نعم!
يحيى.. بقولك بحبك وعايز اتجوزك.
انا أميرة عندى 20 سنه بنت عادية جدا عايشه مع ماما وبابا واخواتى الاتنين ولدين كان حلم حياتى انى ادخل كليه هندسه والحمد لله انا دلوقتي فى سنه تانيه المهم انا فضلت احب واحد لمده 4 سنين من غير ما يعرف انى عايشه أصلا مع العلم انى مكنش عندى أصحاب وكانت ماما هى صحبتى واختى وكل حاجه في حياتي يعنى المهم احب اعرفكم على حب عمرى ..
يحيى عنده 25 سنه فى كليه طب هو شاب طويل وعريض بشرته قمحاويه وعنده عضلات بقى وايه كنت اول مرة شوفته فيها كنت فى 3 ثانوى كنت قاعده فى أمان الله لا بيا ولا عليا..

.. سلام عليكم يا ابو المساتر.
خالد.. اهلا دكتورنا الصغير ازيك يا يحيى اخبارك وحشنى يا راجل والله.
يحيى.. وحشك يبقى تسأل يا عم خالد ولا احنا معدناش قد المقام يا ابو المساتر  
..خالد يبقى اخو يحيى وصاحبه وكل حاجه يعنى لانهم كانوا مع بعض من ايام إعدادى بس خالد دخل أدبى كليه تربيه ويحيى علمى كليه طب بس فضلوا مع بعض خالد اتخرج واشتغل بس يحيى لساله سنتين ويخلص.
خالد.. يا ابنى يعنى اعمل ايه والله ما بخلص دروس غير بليل خالص قاعد هنا ليل نهار ..
وهما قاعدين يتكلموا وانا قاعده مبلمه للى دخل دا وكان كل همى اول ما شوفته اعرف أنه خاطب ولا مرتبط ولا ايه فهو بيبص على المجموعه كده لقانى مبلمله ليه هو انا عزراه والله لانى مكنتش مبلمه انا كنت مبرءه هو يا عينى اتخض منى قام غمزلى كده ولا كأنه بيغمز لعيله صغيره عندها 5 سنين .
يحيى.. والكتاكيت دى فى سنه كام بقى .
خالد.. فى 3 ثانوى يا دكتور.
أميرة .. ثانيه واحده بس ثانيه هو قال كتاكيت حلووتك.
يحيى.. طب ما الحق اروح عشان ارتاح شويه لسه راجع من الجامعه خلاص مت .
خالد.. يعيينى على الناس اللى متمرمطه فى طب 
يحيى.. اه يا عم ما انت خدتها من قصرها ودخلت أدبى.
خالد.. طب يا عم خليك قاعد معايا عايز اتكلم معاك شويه هخلص اهو .
يحيى.. يا عم انا جمبك هنا ببتين لما تخلص اندهلى وانا هنزلك على طول.
وسلموا على بعض ومشى...
خالد .. اميره يا آنسه اميره.
اميره.. هاا نعم نعم يا مستر.
خالد.. نعم نعم الله عليكى يا اختى سرحانه فى ايه اللى واخد عقلك يتهنى بيه.
اميره.. يا مستر يعنى هكون سرحانه فى ايه فى الهم اللي ورايا يا مستر.
خالد.. ماشى يا اختى فوقى معايا.
.. المهم فضل يكمل وانا سرحانه فى القمر اللى دخل خد قلبى ومشى دا يعنى هو دا حقيقى زينا كده هل ممكن يبصلى يبصلى ازاى وهو شايفنا كتاكيت كنت اول مره فى حياتى احب حد من اول ما اشوفه كده يعنى زى ما بيقولوا حب من اول نظره ااااااه منك ااه .
وانا خارجه من الدرس كنت هخبط فيه فقلت.. ااه ما تحاسب يا عم انت ما تحاسب انت اعمى
لسه برفع راسى واشوف مين لقيته فقلت.. هو انت مش تحاسب
يحيى.. ايوا انا يا كتكوت يا صغير وبعدين ايه انت دى اسمها حضرتك
أميرة.. استغفر الله العظيم ماسك فى كلمه انت ومش واخد باله من كلمه يا كتكوت يا صغير.
يحيى.. ايه مش عجباكى الكلمه ولا ايه
اميره.. اه وياريت حضرتك تحاسب عشان اقعدى.
يحيى.. طبعا ممكن يا آنسه هو انتى اسمك ايه
اميره فى نفسها حلو اووى كده انت جيت فى ملعبى... وحضرتك بصفتك مين عايز تعرف اسمى.
يحيى.. عادى يعنى دا لو مش هضايقك.
اميره.. لا هضايق وعن اذنك بقى عشان اقعدى عشان وقفتنا دى غلط.
وقامت اخدا نفسها ومشت بسرعه والضحكه على وشها من ودن للودن.
يحيى.. ايه البت دى لا وعنيده كمان بس حلوه ههه ايه دا فى ايه ما تفوق يا يحيى دا انت كنت لسه بتقولها كتكوت يا صغير.
وقام ماشى راح لخالد وهو مصډوم من نفسه.
نروح لاميره اول ما روحت البيت .. يا فوفا يا قلب اميره من جوا انتى يا حب حياتى يا فلذة كبدى
وفاء .. ايه يا بنتي ايه الحنيه اللى نزلت عليكى دى انتى اتحسدتى ولا ايه
اميره.. لا لا يا فوفا تزعلينى منك كده وقامت حضناها جاامد اووى .
وفاء.. ااه كنتى فى درس ايه بقى يا حلوه انتى عشان ترجعيلى منشكحه كده!...
اميره.. هاا هو ايه اللى دخل الدرس فى الموضوع بس يا فوفا
وقامت باصه فى الارض وهى ھتموت وتضحك.. يا خوفى من النظره دى مش مطمنه.
اميره.. طب هقولك بس بهدوء اشطاا بهدووء
وفاء.. هببتى ايه يا اخر صبرى
اميره.. تعالى الاوضه عشان بابا واخواتى .
دخلوا الاوضه أميره.. بصى يا فوفا هو انا كده شكلى اتنيلت واعجبت بواحد وبصتلها پخوف
وفاء.. يا اميره يا حبيبتي انتى بنتى واختى وصحبتى وكل حاجه وكنت كلمتك وقولتلك ان الموضوع دا تشيليه من دماغك لحد ما يجى ابن الحلال اللى