محضر من بيت الطاعه

 حضرتك بعد مادمرتى اعصابنا كلنا اتنازلتى عن القضيه وطلع زياد من السجن وكان نفسيا مدمر خسر كل حاجه خسر شغله ومراته وعياله وحبس نفسه زى الحريم فى البيت وماكنش قادر يطلع ولا يواجه حد كان أهون عليه يتسجن عمره كله فى قضيه غير القضيه دى 

حاولت انا كتير مع نهى أنها تصدق أنه مظلوم وتقف جنبه لان حالته النفسيه كانت زى الزفت وترجع لبيتها مع عيالها وبعد محاولات كتير قدرت اقنع نهى أنها ترجع وتحاول تنسى كل الى حصل وقلتلها خلاص انى هجبلهم حقهم من الى عمل فيهم كده كنت انسان طيب قوى وحنين قوى مع الكل لكن إلى عملتيه فى اخويا وفينا كلنا خلنى اتحول واطلع الحاجه الوحشه إلى جوايا واعمل فيكى كده 

زورت القسيمه عشان اجيبك وازلك وادوقك طعم الظلم وبعدها اقترحت على نهى تاخد اجازه من كل حاجه وتروح تغير جو هى وزياد فى اى مكان عشان ينسو كل الى حصل  وحجزلتهم هما الاتنين واخدت منهم العيال وجبتهملك انتى عشان تخدميهم وتكفرى شويه عن الى عملتيه مع امهم وابوهم وخدتك كمان عند اختى الى عاشت مرعوبه أن خطيبها يعرف الحكايه ويسيبها وتدمرليها حياتها الى لسه مابداتهاش وديتك عندها عشان تدوقى طعم الرعب الى دوقتهولها والنوم إلى طار من عينها من الخوف الى سيطر عليها 

كنت واقفه اسمع كلام خالد وانا مش قادره ارد عليه اقله اى

 كل الى كنت بعمله انى بعيط ومش مصدقه أن غلطه عملتها يترد عليه بالشكل ده واتهان واتذل بالطريقه دى كان أهون عليه اجوز واحد مابحبهوش واعيش معاه العمر كله تعيسه على أن اسيبه واعمل إلى عملته ويتعمل فيه كده ايوه غلطت واعترفت بغلطى وصلحته وطلبت من ربنا يسامحنى لكن 

ماكنتش أعتقد أن فى ناس مش بتسامح وبترد بالطريقه دى ولقتنى ببص لخالد ونهى وزياد واقلهم خلاص الحكايه كده خلصت وخدتو بحقكم منى ورضيتو بالى عملتوه فيه وانا كمان راضيه بالى اتعمل فيه دفعت تمن غلطتى وعشان كده انا همشى ومش عايزه منك اى حاجه ياخالد لا عايزك تعترف بالى عملته لعيلتى ولا عايزك كمان تجوزنى لأن خلاص مابقاش يهمنى انا همشى مش من عندكم بس انا همشى من البلد كلها ومابقاش يهمنى كلام الناس

ومشيت وانا مش عارفه هروح فين ولا اعمل اى كنت متحطمه وقعدت فى الشارع اعيط زى العيال الصغيره لحد ماشفت واحد بيمشى ناحيتى برفع راسى عشان اشوف مين لقيته ابويا اول ماشفته انا غصب عنى طلعت اجرى عليه واترميت فى حضنه وانا ببكى بحرقه وقلتله سامحنى انا غلطت وندماته على الى عملته سامحنى ولقيته بيمسحلى دموعى ويقلى خلاص ياسميه ربنا بيسامح مش هسامح انا ياعبد 

وخدنى ورجعت معاه البيت وهناك لقيت امى واخواتى مستقبلينى بشوق كبير ورفضت انى اتكلم فى الى فات مش عايزه افتكر اى حاجه منه لكن لقيت ابويا بيقلى خالد وزياد كانو هنا عندنا وحكولنا على كل حاجه وخالد عايز يجوزك صرخت انا وقلتله لا مش عايزه اشوف وشه مش عايزه اسمع اسمه وجريت بسرعه ودخلت اوضتى وقفلت على نفسى وانا بفتكر كل الى شفته منه والى عمله فيه اغمض عنيه واتالم اكتر لما افتكر قد اى كان قاسى معايا قد اى ظلمنى واجه عليه