همس
انت في الصفحة 1 من 4 صفحات
.#اسكربيت.. #بقلم_ميرا_ابوالخير...
بتداخل فرح صحبتها بابتسامة بتسلم عليها بتسمع همس ام العروسة: دا فال مش كويس مش عارفه ايه جاب البايرة دي هنا.
ست ما: ابقي بخري بنتك لاحسن تحسدها.
ام العروسة بهمس: دا اكيد مش عارفه البت دي مبتتكسفش علي دمها ليه.
الست بسخرية: ههه بتروح تشقط عرسان اكيد ولا حد هيعبرها.
الست بتحذير: خالي بنتك تاخد بالها بقا لتسرق جوزها.
ام العروسه بخضة: بعد الشر كنت ربتها.
كنت سامعه كل كلمة بتتقال عليا بس هما ليه مش مقتنعين انه النصيب انا 30.
هناء بابتسامة حزينه: انا همشي انا يا منار الف مبروك مرة تانية.
منار بابتسامة: ليه يا بنتي لسه بدري.
ام العروسة جت عليهم: انتي ماشية طيب روحي عقبالك اذا ربنا اراد هههه.
هناء بتسمت باحراج: تسلمي يا طنط.
مشيت من الفرح بكل حزن...
منار لامها: ليه كده يا ماما حرجتيها.
ام العروسة: روحي ارقصي ياختي هي دي بتتحرج وبعدين انتي تلميذة عندها واتجوزتي ما بالك هي.
كانت هناء ماشيه في الشارع بحزن وصلت بيت امها رحمة.
هناء بابتسامة: السلام عليكم يا ماما.
رحمة ببرود: وعليكم ياختي ايه شرفتي بدري يعني.
هناء بهدؤء: عادي يا ماما الفرح كان ممل.
رحمة بسخرية: ممل ولا حد قالك حاجه انك بورتي مثلا.
هناء بابتسامة: لا محدش وبعدين يا ماما انا مستنية نصيبي مفيش حاجه اسمها بايرة في حاجه اسمها النصيب لسه مجاش.
هناء بدموع: ماما بعد اذنك ممكن كفايه.
رحمة ببرود: طيب ياختي.
داخلت اوضتها بحزن وجريت علي السرير ټعيط : طب انا ذنبي ايه دلوقتي انه لسه ربنا مش كتب لي نصيبي يارب ارحمني من كلام الناس.
