علشان بحبها هتجوزها يا ماما

-احم، عايز اتغدا

-: مش ملزمه

-نعم ياختي؟

-: شبه ما انت بالظبط مش ملزم تقولي انت فين وهتيجي امتا!، يلا جود نايت

*دخلت نامت فعلا وملاقتش حاجه اكلها، كنت اسمع انها عنيدة وان هتعب بس ماشي، عملت مكرونه لنفسي وقعدت اكل ودخلت نمت..

*فضلت كام يوم فعلا مش بتعمل اكل، مبتتكلمش معايا تقريبا

-تيجي نخرج؟

*مش عارف ليه قلتلها كدا، بس حسيت انها بقالها اكتر من اسبوعين مطلعتش من البيت فَـ مهنتش عليا

-:بس الساعه10 بليل

*فيها ايه يلا قومي البسي

-: بجد شكرا اويي اوييي

*حرفيا في ثواني كانت نزلت، ننزلنا اتمشينا علي البحر وجبنا درة مشوي وايس كريم، كانت مبسوطه كانهت لسا طفله حرفيا

-اتبسطي؟

-: جدا يااه

-ديما مبسوطه يا مرام، يلا الساعه 3الفجر هدخل انام مش عارف هصحي ازاي لشغلي