روايه احببتك من النظره الاولى بقلم بثينة الشناوى

دا طب بزمتك دا اسلوب دكتور .
يحيى فى نفسه.. أدى يوم طار من الاسبوع
أميرة.. فوفاااا
الام.. ايه يا هبله.
اميره.. ايه رايك فى الدريس دا عليا حلو مش كده.
الام.. حلو اوى يا روحى دا سليم اللى جايبهولك!.
أميرة.. اه واد ناصح اوى شاف استايل لبسى من على الانستجرام وجابلى زيه.
الام.. طب انا عايزه اكلمك فى حاجه.
أميرة.. النبره دى مش بتريحنى.
الام.. بصى يا أميرة سليم اتكلم معايا اول ما اجه وطلب ايدك.
اميره.. نعاااااام ايه دا هو بيستعبط.
الام.. سليم شاب محترم اوى وعارفين تربيته كويس وهو طلب يديكى مهله لبعد الامتحانات بعدها نقرأ فاتحه.

أميرة.. فاتحه ايييه يا ماما انا مش موافقه اصلا وبعدين انتى اللى بتكلمينى وانتى عارفه كل حاجه.
الام.. يا حبيبتي انا عارفه بس يحيى دا منعرفش مامته مين ولا تربيته ايه ولا حياته ايه .
أميرة .. لا بجد انتى بتتكلمى جد هى ماما فين دى مش طريقه كلامك.
الام.. يا بنتى يا حبيبتي انا الوحيدة فى الدنيا اللى بخاف على مصلحتك.
اميرة.. وانا مش هاخد حد يا ماما غير يحيى يا ماما انتى مش فاهمه انا قبل ما اشوف يحيى بيوم كنت حلمت بيه يا ماما انا واثقه فى ربنا أنه هيجمعنى بيحيى ربنا عمره ما هيكسرنى ولو مجاش السنه دى هفضل استناه لآخر يوم فى عمرى.
الام طب انتى راحه فين كده طيب!.
اميره هتمشى شويه عالبحر مش هتاخر.
يحيى يلا يا عم خالد توصيله مجانى اهى.
خالد.. ماشى يا سيدى متشكرين على فين كده.
يحيى.. هتمشى شويه فى البلد أصلها هتوحشنى.
خالد.. ماشى يا بطل سلام.
يحيى.. سلام.
يحيى فى نفسه.. البلد دى بجد هتوحشنى اوى وبالذات انتى يا أميرة هفضل كاتم حبى ليكى لحد ما يجى الوقت وتبقى ليا انتى اول بنت تدخل قلبى وهتبقى آخر بنت.....
راح يحيى قعد على الكافيه اللى على البحر اللى كان آخر مرة فيه ومعاه أميرة.
أميرة فى نفسها وهى واقفه على البحر..يارب انت الوحيد اللي حاسس بيا انا فضلت قافله على قلبى طول السنين دى كلها اول ما شفت يحيى مصدقتش نفسى انى ممكن احبه فى الفتره القليله دى قابلته كام مرة بس كل مرة بيزيد تعلقى بيه اكتر سليم طول عمرى بعتبره اخويا ليه يارب كده بس....
وفضلت ټعيط على البحر.
يحيى وهو قاعد على الترابيزه بيبص على البحر.. هى مش دى اميرة اه ولاهى هى ..
وقام يحيى راح لأميرة قرب منها شويه لاقاها قاعده ټعيط جامد اوى وهى قاعده على البحر ومخبيه وشها من كتر العياط
يحيى.. اول مره فى حياتى اشوف قمر بيعيط.
أميرة.. لفت وشها مصدقتش نفسها ي ي يحيى
يحيى.. يا نهار كل دا عياط ايه يا بنتى قلبى الصغير لا يتحمل.
أميرة بضحكه خفيفه.. مفيش حاجه مضايقه شويه وبعدين انت بتعمل هنا ايه
يحيى مضايقه تعيطى العياط دا كله... انا يا ستى بلف شويه فى البلد عشان هسافر اخر الاسبوع دا...
أميرة بخضه تساافر انت انت بتتكلم جد .
يحيى.. اه هو فى حاجه .
اميره فجأه اتفتحت فى العياط تانى ومقدرتش تمنع نفسها ...يحيى قعد جنبها وكان بېموت حتى أنه مش قادر. يخدها فى حضنه ويقولها مالك ولا حتى قادر يقرب منها.
يحيى بصوت هادى اوى.. ممكن اعرف سبب العياط دا كله ايه
أميرة بصتله مقدرتش متقولوش قالتله.. النهارده سليم ابن عمتى نزل من أمريكا واجلنا البيت لاقيته مكلم ماما وطلب ايدى من ماما ومستنينى بعد اما اخلص امتحانات ونقرأ فاتحه.
يحيى حس بنغزه فى قلبه جامده اوى ومعتش قادر يطلع اى كلمه قالها بصوت مجروح اووى..طب وانتى مضايقه ليه
أميرة بصتله جامد اوى وقالتله.. مش عايزاه مش بحبه انا دايما بعتبره اخويا عمرى ما اعتبرته يكون شريك حياتى لا لا مستحيل....وكملت عياط.
يحيى.. طب ما تقولى لمامتك.
اميره.. قولتلها بس هى معجبه بيه وشايفه أنه الزوج المثالى ليا.
يحيى.. طب ما تحاولى تحبيه
أميرة .. مينفعش انا بحب واحد تانى بس انا متاكده أنه عمره ما هيبصلى ولا حتى ممكن يفكر فيا.
يحيى.. بتحبى واحد تانى هو مين دا .
_شافها وهى بټعيط حاول يضحكها مع إنه مجروح.
يحيى.. هو حد يطول يا كتكوت انت.
اميره ضحكت ضحكه خفيفه كده وسط عياطها وقالتله.. اعمل ايه بقى ما البعيد اعمى .
يحيى.. هو انا ممكن اقولك على حاجه
اميره مسحت دموعهاوقالتله .. اتفضل.
يحيى.. انا عمرى فى حياتى محبيت اى بنت طول عمرى مشدود لدراستى وكليتى وبس بس الفتره اللى فاتت دى شوفت بنوته خطفتنى من اول مرة شوفتها فيها حبيتها اوى وروحى اتعلقت بيها بس المشكله انى حاسس يا ستى انها مش ممكن تبصلى مش عارف ليه 
أميرة.. وهى البنت دى هنا.
يحيى.. للأسف اه.
أميرة.. للأسف.
يحيى بصلها وقالها.. انا حبتها اوى بس المشكله انى مسافر ومش عارف هرجع امتى.
أميرة.. سؤال فضولى ممكن
يحيى.. اتفضلى.
أميرة.. ممكن اعرف البنت دى مين
يحيى فضل بصصلها جامد وقالها انتى عارفاها اكتر منى.....
أميرة.. هااا.
بصت فى الارض علطول.
أميرة فى نفسها.. مستحيل