قصة بعد نص الليل
مديت ايدي وانا بترعش ورفعت الغطا عنه
واتصدمت لما شوفت ست سبعينه لا حول لها ولا قوة
اول ما شافتني اتفزعت وقالت
لا بلاش متضربنيش انا اكلت حتت جبنه صغيره
بس كنت جعانه اوي
قولتها اهدي يا امي..
انتي نايمه هنا ليه كدا ؟
قالت انت اللي مين
انا ساكن هنا جديد وكنت نازل اجيب دوا لمراتي
ولقيت الكشك دا قدامي حبيت اسأل صاحبه عن اقرب صيدليه..بس ملقتش حد
بلف حولين الكشك خبطت فيكي بدون قصد اسف
ولا يهمك يا ابني..هو زمانه على وصول
هو مين ؟
ابني صاحب الكشك
طب وانتي ايه منيمك هنا بس ف الجو دا ؟ وع الأرض كمان !!
قربت مني وهمست وقالت
انا جعانه..معاك فلوس
ايوه معايا عايزه كام ؟
لا مش عايزه فلوس عايزاك بس تشتريلي اي حاجه اسد بيها جوعي من عند ابني
انفعلت وانا بقولها
هو ازاي اصلا بيعمل فيكي كدا..هو ايه معندوش قلب ولا رحمه
وطي صوتك أحسن يسمعك..دا راجل شراني
ايوه بس هو ازاي يعمل كدا في أمه وليه اصلا ي..
فجأة مسكت ايدي وباستها
ارجوك يا بني انا جعانه
حاضر يا امي حاضر..لحظات
سبتها ورجعت الكشك من قدام
لقيت راجل أربعيني شكله كشري والغضب باين على ملامحه
ممكن لو سمحت شوية بسكوت وعصائر في كيس
يتبع
