ابن عموا بتاع الكتب
عايزه اشوفو شكله بقا عامل ازاي
اكيد اتغير ياترى لسه بيعاكس بنات والله اقت@له..
_اللي بتدوري عليه زمانو جاي يا حور
_انا.. انا مش بدور على حد انا هطلع بقا سلام
قولتها ولقيت الشاب اللي كان معايا في الميكروباص داخل المحل
_اما انت شخص بجح صحيح جاي ورايا لحد هنا يا قليل الادب
_انتي الألم يتمكن منها في دماغك؟ انتي اللي بتعملي اي هنا وهمشي وراكي ليه يعني من سواد عيونك مين دي يا بابا تعرفها؟
_بابا !!
_يظهر انكم شفتو بعض وحصل سوء تفاهم
_ده زين يا عمو؟؟
_بظبط
_وانتي تعرفيني منين ؟ مين دي
_دي سندريلا بتاعتك ياخويا
_حور!!
_بظبط
_وهو البنات لما بتكبر لسانها بيطول وبتبقا قليلت الادب ؟
_انا قليلت الادب؟ اهو انت
_خلاص بقا انتو هتتخانقوا قدامي
_عن اذنك يا عمو
قولتها وطلعت البيت كانت مامته عندنا سلمت عليها وغيرت هدومي ووقفت اعمل معاهم الاكل شويه وخلصنا واتجمعنا كلنا على الغدا
قاعدين بناكل وبنهزر بيتكلمو على ايام زمان وانا ساكته باكل في صمت
بقا ده زين اللي كنت بحلم انه يرجع القاهره عشان تبتدي قصة حبنا عملت الف سيناريو ل لقائنا بعد الفراق ده في الاخر يكون ده إلقاء ده حتى مقاليش إزيك..
_بس لازم لازم تتعرفو على نوران خطيبة زين ده انتو هتحبوها اوي
قالتها مامته الاكل كان في بوقي وقف في زوري لما سمعت اللي قالته
كحيت عيني دمعت شربت مياه
_هو زين خطب؟
_ااه بنت زاي القمر كانت جارتنا في دبي جميله ومؤدبه زايك يا حور هبقا اعرفك عليها
_فعلآ.. الف مبروك يا زين عن اذنكم انا كلت
_فين اللي كلتي ده يا بنتي
_معلش يا بابا بس يدوب الحق اخلص البحث وانام انت عارف بقا امتحانات وكدا
_ربنا معاكي يا حبيبتي
سيبتهم ودخلت اوضتي
مسكت المخده صوتت فيها صاحت بصوت عالي عيطت كان انهيار مكتوم ب المخده عشان محدش يحس ولا يسمع
عيطت كتير اوي اوي
افضل انا مستنياه كل السنين اللي فاتت دي والبيه يرجع خاطب
سنين ولا عايزه احب ولا اتحب سنين مش بدي فرصه لحد سنين برفض كل الناس عشانه.. بس اللي رفضت كل الناس عشانه مختارنيش في الاخر
خرجت وقفت في البلكونه بحاول اخد نفسي بحاول استوعب اللي حصل بحاول انظم أفكاري عشان اعرف هتصرف ازاي
قطع شرودي صوته..
_صاحيه لحد دلوقتي ليه
