طول السنين دي عمال تقول
قفلت
شروق _ اه يا ندل يا جبان بس انتي ازاي تعملي كده افردي الست دي بتضحك عليكي
مهي كده كده بايظه
وعدا كام يوم وانا وروحت شقتي وكانت منال
هناك
منال _حمد لله على السلامه يا اميره معلش يا حبيبتي ربنا يعوضك خير
الحما_ هيعوضها ايه تاني بعد اللي راح ما كل حاجه خلاص راحت وفي الوقت ده دخل مراد
مراد _ مساء الخير ايه يا احمد روحتلك المستشفى عرفني ان انت مشيت مش كنت استنيتني وجينا سوا حمد لله علي سلامتك
يا اميره
اميره _ الله يسلمك معلش انا عايزه اطلع
شقتي
الحما _خديها يا منال طلعيها علشان عايزه احمد في كلمتين وبعدها طلعنا ومراد قال
مراد _طيب انا هنزل اجيب غدا علشان اكيد منال ملحقتش تعمل اكل
الحما _ ماشي يا حبيبي روح وبعدها نزل
واقعد احمد هو وأمه
احمد _ هو اللي حصل ده حصل ازاي يا امي دي اصلا معملتش العمليه يبقي ازاي يحصلها
مضاعفات
الحما _ قدر ومكتوب يا حبيبي المهم انا جبتلك عروسه انت لازم تتجوز لا قلب امك
احمد قام وقف وقال _ايه يا امي الكلام اللي انتي بتقوليه ده لا طبعا ما ينفعش اعمل كده دلوقتي بالذات
الحما _اقعد بس يا حبيبي واسمعني دي بنت غلبانه يا عيني واحد ضحك عليها وحامل وانا بصراحه بقى عايزه اللي في بطنها لازم الدنيا
كلها تعرف انك ليك في الخلفه
احمد _ اكيد انت بتهزري يا امي ايه الكلام اللي انتي بتقوليه ده ده لا يمكن يحصل طبعا
الحما _ طيب نتكلم كده بالعقل شويه اكيد الكل هيقعد يقولك يتجوز يا احمد خلاص مراتك ما بقاش ينفع تخلف ثاني هتقولهم ايه لا اصل بحب مراتي ما فيش
حد بيقبل بكده يا احمد اسمع كلامي البت
دي فرصه واوعي تخليها تروح منك
احمد _ طيب يا امي خلينا نتكلم في الموضوع ده بعدين بلاش دلوقتي انتي شايفه اميره عامله
ازاي وكفايه الفلوس اللي اخدتها من البيت
راحت في عمليتها اهو
الام _ ده قدر ومكتوب يا حبيبي المهم لازم تفهمها ان انا بعت دهبي
عشان اعملها العمليه اه لازم تعرف ان قلبنا
عليها
احمد _ طيب سيبيني انهارده بعد كده نشوف هنعمل ايه وفي الوقت ده شروق رنت علي
حماتي
الحما _ شكلي ما فيش وقت يا واد استنى كده وبعدها ردت علي شروق الو ايه يا شروق يا حبيبتي عملتي ايه بجد طيب خير يا حبيبتي خدي لينا بقى ميعاد مع ابوكي
عشان نيجي نتقدمله وفعلا حماتي خلصت
الموضوع بسرعه وفي يوم كانو لابسين
علشان يخرجوا وكانت منال. وحماتي واقفين في الصاله وقولت ليهم
اميره _هو انتم رايحين فين كده يا حماتي
الحما _ ايه اه رايحين فرح حد قريب منال انتي عارفه ان انا ست بفهم في الاصول ولازم اروح معاها الفرح
اميره _ طيب استني هلبس بسرعه واجي معاكوا بجد انا مخنوقه قوي محتاجه اغير جو
الحما _ ازاي يا حبيبتي بس انتي ما ينفعش ليكي حركه دلوقتي خليكي قاعده هنا واحنا مش هنتاخر يلا يا بينا يا منال بسرعه، وفي الوقت ده
منار ضحكت وقالت
منال $ اه يا حبيبتي اسمعي كلام حماتك احنا رايحين وهنجيبلك حاجه حلوه واحنا راجعين يلا يا حماتي وفعلا انا اقعد قدام التلفزيون لحد ما نمت ولقيت الباب اتفتح وحماتي عامله تزغرط
