منتقبه أوقعتنى ف حبها
ياسين حس بالذنب: اهدي وقعت فين
خديجه بصتله بحرج: علي رجلى والله ايدي تعبتني اسفه
بص علي ايدها لقاها بدأت تنزف تاني ولقي رجليها محروقه
جري جابلها مرهم
خديجه كانت محروجه جدا
ياسين: ماتفكريش بعمل كدا لسواد عيونك لا دا علشان لو حد جيه مايعرفشي حاجه
خديجه بصتله بعتاب: عارفه وشكرا علي مساعدتك ليا كدا الاكل جاهز.
ياسين حس بصدقها: تمام وشال الاكل هو
ايسل بمياصه: تاعب نفسك لي ياحبيبي البت دي فين.
ياسين: في المطبخ المهم يالا ناكل
خلصوا اكل
وخديجه قاعده في المطبخ تعيط
ياسين دخل ليها: مش عايز اشوف خلقتك النهارده خشي اوضتك
خديجه: حاضر دخلت اوضتها صليت وفضلت تدعي ربها يحنن قلب جوزها ويبعده عن الحرام ويقربه ليه
ايسل مشيت وياسين كان قلقان علي خديجه دخلها الاوضه لقاها نايمه
ياسين في نفسه: ملاك نايم ولسه هايقرب منها افتكر انه بيحب واحده
ياسين: انا بحب ايسل اي بيحصلي دا
وبعدين زعق في خديجه
انتي ياللي اسمك ايه انتي اصحي
خديجه صحيت مفزوعه
خديجه: ايوا ايوا اسفه نمت بالغلط
خديجه: طب صاحبك جاي
ياسين: ايه عاجبك صاحبي
خديجه حست بنغزه في قلبها بسبب تفكيره: عمري ماعمل كدا بس بسأل علشان النقاب
ياسين: لا مش جاي وقومي يالا
خديجه قامت جهزت وكانت قمر اوي
كانت لابسه دريس زهري وعليه خمار اوف وايت
ياسين فضل باصصلها جامد وأمه فرحت
فيروز: حبيبت قلبي عروستي القمر مبروك ياحبيبتي
امها حضنتها وابوها وفضلوا يتكلموا
ام خديجه: ممكن اخد خديجه شويه
ياسين: البيت بيتك يا أمي
خديجه راحت مع امها
ام خديجه: جوزك عامل اي معاكي طمنيني انا قلبي مش مستريح
ياسين كان معدي واستغرب انها قالت كدا
ام خديجه: متأكده يابنتي
خديجه: عيب عليكي ياحجه وحاولت تتهرب من الموضوع فا قالت وبعدين فين البت ريم
ام خديجه: قالت هاتجيلك كمان يومين
خديجه: ماشي ياحبيبتي يالا نخرج نقعد معاهم
ياسين راح مكانه قبل مايوصلوا
بعد شويه قاموا مشيوا
ياسين: اتفضلي علي اوضتك وياريت ماتخرجيش
خديجه: حاضر ودخلت تنام لاقيت ايدها بتنزف وحسيت بوجع جامد
طلعت لياسين وخبطت
ياسين قام فتح: نعم
خديجه بدموع: ايدي تعباني اوي ممكن تجبلي مسكن من فضلك
ياسين بص لايدها لقاها وارمه وزارقه وبتنزف: لا وروحي نامي
خديجه بعياط: ابوس ايدك والله انا اسفه اني دخلت حياتك ماكنتيش اعرف ان في في حياتك حد مش زنبي وعايز تتجوز براحتك والله مش ممانعة بس ساعدني والله ايدي تعباني
ياسين عارف ان كلامها كله صح: تعالي اوديكي لدكتوره
خديجه: حاضر حاضر ولبست علطول وراحت معاه
للدكتوره: للاسف لازم عمليه انا قلت ممنوع الحركه لازم عمليه علشان تقدري تحركيها
خديجه بصت لياسين لانها عارفه انه هايرفض
ياسين: والعمليه دي امتي
الدكتوره: دلوقتي علشان ما تاثرشي عليها مدي الحياه
ياسين: تمام جهزي العمليات
خديجه بصتله بخوف
الدكتوره: تمام خلال ربع ساعه ان شاءالله هاندخلها
اتفضل ياسين وخديجه في الاوضه
خديجه: انا مش عايزه اعمل عمليه انا خايفه
ياسين بغضب: بقولك اي انا مش عايز اشيل زنبك تمام هاتعمليها ورجلك فوق رقبتك
