منتقبه أوقعتنى ف حبها
خديجه دخلت عليهم: سلام عليكم يابنات امال فين اسماء
فاطمه: جايه اهي اقعدي نشرب حاجه علي لما تيجي
اسماء جات
فاطمه: اهي جات ياستي
فاطمه: ديجه بقولك بقا عايزة اسالك سؤال شوفت السؤال دا كتير وعايزه اعرف اجابته ياريت
خديجه: بس كدا اتفضلي
فاطمه: ايه هو الحب من وجهه نظرك
خديجه خدت نفس
ابسط حاجه لما تعملى حاجات عمرك ماعملتيها ولا كنتي بتحبي تعمليها بس بتعمليها علشان حبيبك بيعملها انك تتكلمي زيه وكل حاجه تبقوا شبه بعض فيها لما تكرهي حاجه كنتي بتموتي فيها بس لمجرد انك عرفتي انه مش بيحبها بتسبيها لما تلاقي ان كل العيوب اللي ممكن حد يشوفها فيك حد تاني قادر يشوفها مميزات زي الزن يطلع اهتمام والرغي يتشاف حب وحتي السكوت ونس لما تبتسمي تلقائي وقلبك يرقص لما تشوفي ضحكه منه لما تضحكي تلقائي لما تشوفي رساله منه او تيجي علي باله فاجاه لما تحلمي بيه حتي وانتي قاعده لما يكون دعوة ثابته في صلاتك لما تحبي تسمعي اسمك منه لما يتوجع تحسي بوجعه وتتمني تشيلي وجعه وتحطيه فيكي لمجرد انك مش قادره تشوفيه بيت-وجع لما تكوني مضايقه وهو يجي يضحك او مبسوط فا تفرحي تلقائي لما يبعد عنك وماتشوفيهوش تحسي انك تايهه وحياتك باهته ومش عارفه تعملى حاجه يعني لما تجري عليه اول حد في مشاكلك وفي فرحك يعني تلاقيه سندك وقوتك يعني لما تشوفيه مع حد بتبقي هاين عليكي تقطعي الحد دا لما قلبك يدق ويرقص من الفرحه لما تروحي تقابليه لما تبقي متخانقه معاه ومش بتتكلموا بس في نفس الوقت هاتموتي وتسمعي صوته
الحب ان حبيبك يمسك بايدك للجنه ويساعدك في دي
الحب انه يتباهي بيكي قدام الخلق مش يداريكي مش يحبطك ويكون مصدر التوتر مش يعطلك علشان ماتبقاش احسن منه مش يقلل من انجازاتك يفرح بأقل حاجه ليكي يشوف نجاحك يشاور للكل عليكي اللي مايلغيش شخصيتك او يشك فيكي اللي يخليكي دايما واثقه من نفسك
وأهم من دا كله يقدر غيرتك عليه مايستهونشي بيها
وأروع امثله لتقدير غيره الست رسول الله
كان مره عازم صحابه في بيت السيده عائشه فا السيده ام سلمه بعتت للرسول اكل
تخيلوا لو دا حصل اقل حاجه كان الراجل قام ضربها او زعقلها
لكن الرسول قام جمع الطبق وقال لصحابه كلوا غارت امكم وهو بيضحك وخدت صحفه عائشه فبعتها للسيده ام سلمه واعطي صفحه ام سلمه لعائشه
نكمل بقا
اللي لما تخافي تجري عليه ياخدك في حضنه يطمنك مايستهيفشي باللي بتقوليه اللي بيحاول يعملك اي حاجه تفرحك حتي لو الحاجه دي تافهه
اللي لما يكون قاعد ادامك تنسي العالم كله وتفضلي سرحانه في عيونه
اللي لما تقعي في مشكله مش تتوتري وعارفه أن حد.هايسد اللي تغيري عليه من اي حاجه حتي من اهله بس في نفس الوقت تحبي الناس تحبه شعور ملغبط
مهما اتكلمت مش هاقدر اوصف الحب الي لما تصلوا يمسك ايدك ويسبح عليها
اللي يتفرج علي الكارتون معاكي ومش يقولك ياتافهه
اللي يخليكي بنته قبل حبيبته ومراته
اللي لو اي حد قاله عليكي كلمه مايصدقهاش ويسمع منك
الحب حاجه جميله جدا
كلهم كانوا سرحانين
وياسين كان رايح يجبهم وسمع كلامها
ياسين ابتسم وفرح بكلامها
ياسين: احم
كلهم اتخضوا
ياسين: اي اي اهدوا طيب
يالا علشان اوصلكم
في جانب تاني
مجهول: ازاى يلغوا الاتفاق معانا ازااااى كله من مرات ياسين
مجهول: عايزك تعمل ******
شخص: تمام ياباشا
ياسين خدهم ومشيوا
فاجاه شافوا عربيه بطاردهم
ياسين فضل يسرع
وقفت العربيه ادامه ونزلوا الرجاله
واحد شد ياسين ووجه المسدس ناحيته
البنات بقيت بتبص عليهم وكلهم مرعوبين
ياسين: انتو مين
واحد وقف وبصله ومصوب ناحيته المس-دس: انا اللي خدت حبيبته منه هاندمك علي كل حاجه عملتها
خديجه.حسيت الصوت مش غريب عليها
معتز بص ليها: ازاى تتجوزي دا ها ازاى ماعرفشي انك اتجوزتي اصلا غير من كام يوم
خديجه: سيب ياسين لو سمحت
معتز: هاسيبه بشرط
خديجه بجمود: قول
معتز: يطلقك وتيجي معايا لأنك عارفه اني بحبك
خديجه: مستحيييييل
معتز راحلها: مستحيل لي اشمعنا هو بعت لابوكي تهديدات وهو هرب ومفكر كدا انه كدب عليا لانه بلغني انه واخدك وهو فعلا خلاني ادور عليكم لكن ماجاش في بالي انك متجوزه ومتجوزه مين اكبر أعدائي
خديجه: بابا فين
معتز: معايا
كلهم بصوله بصدم#مه
خديجه: م م مين معاك
معتز: ابوكي وامك مفكرني مش هاعرف اجيبه
خديجه حسيت ان الدنيا اتهزت بيها
