روايه غسان الصعيدى
نجاة بحزن: بيحب مراته ودا واضح….. دا حتى قلي انها بتغير عليه واني ابعد عنها اكيد خايف عليها مني….
سميه بضحك: صحيح انك عيله يا عبيطه…. انت مشفتيش كان بيبص عليكي كيف… دا سلمان الصغير لاحظ…. افهمي بس
نجاة: افهم اي؟
سميه بنبره حب: انا اللي جوزت غسان لرشا….. بعد ما مرته ماتت هو كان رافض الجواز كأنها عملاله سحر وانت عارفه انا كنت عاوزه ولدي فرحان وليه حرمه تشغله وتشيل همه…. فعلشان اكده جوزته رشا…..بس ربنا يعلم اول مره اشوف بيضحك اكده ونظراته ليكي فيها عشق يا بتي
نجاة بعدم تصديق: دا لسه عارفني من اسبوع
سميه بتأييد: بس مرتاح معاكي يا بتي… عاوزه نصيحتي اكسبيه… انتو في اي حال بقا جوزك خلاص متخليش حد يشغله عنك او ياخده منك…. اتدلعي عليه شوي.
نجاة بعدم فهم؛ يعني اعمل اي؟
سميه بغيظ من هذه الطفله: يعني اللبسي حاجات بناتي اكده… دلعيه…خليكي حنينه معاه….. اكده يعني
نجاة بفهم وإبتسامه؛ حاضر حاضر…. ومعاكي حق انا مش هخلي كوز الذره رشا تاخده مني…. ثم اكملت ولم تنتبه لحديثها: وبصراحه ابنك حلو اوي… وتكه ابن الايه…
سميه بضحك: والله انك مهبوله…. يلا يا مهفوفه نعمل الاكل
وقامت بالفعل وبدئوا في صنع الطعام وكانت نجاة ماهره للغايه فكانت رائحة الطعام كفيله بكل شيء
***********************
في الخارج
كانت تتحدث رشا في الهاتف
رشا: ايوه يما…. بنت المركوب كيف البدر يما…. وكله كوم وسلمان اللي لحقت تكسبه ليها… دا انا نفسي اكل مصارينها
ام رشا بغضب: اهدي امال…. اهم حاجه خلي جوزك يبات عندك الليله… مش عاوزنا تحمل منه يا خايبه
رشا: حاضر حاضر
اغلقع معها وكانت في قمة الغضب ولكن تسرسب لأنفها رائحة طعام شهيه للغايه…..
**************************
عند غسان
كانت يتابع العمل بجد كبير حتى انه جلب مهندس زراعي لكي يحاول تصليح الارض التي فسدت من الحر-يق
المهندس: الارض فعلا اتدم-رت يا غسان باشا…… بس اوعل حضرتك هحاول فيها على قد مقدر
غسان بثقه: انا عارف انك قدها….عاوز اعوض الخساره
المهندس: اطمن…. خير ان شاء الله… نجرب اسبوع اكده وارد عليك
غسان؛ تمام ومعاك الرجاله في خدمتك
المنهدس: تمام يا بيه
تركه وظل يتابع اعماله….. حتي حل الليل استقل سيارته واتجه للمنزل
**************************
في المنزل
كان الجميع يجلسون ومعهم سلمان الذي عاد من دروسه وكانت نجاة تجهز الطعام وتضعه على السفره مع الخادمه
رشا بسخريه: كويس انك عرفتي شغلتك اهنيه يا ضرتي….اهو تسلي نفسك
نجاة بضحك: هنشوف
رشا بأستفزاز: بس تعرفي لايق عليكي شغل الخدم….اااه صحيح منتي ممرضه مش شعلتك الخدمه في العيانيين برضه
سميه بغضب: جرا اي يا بت يا رشا محدش مالي عينك ولا اي
وفي هذه اللحظه دلف غسان للمنزل الذي سمع كل الحديث ولكن لم يظهر هذا…. بل اتجه لنجاة وقبل خدها بحركه صادمه للجميع حتى نجاة نفسها
نجاه بصدم#مه وخجل؛….. اي… اه
غسان بضحك: وحشتيني…. معلش اتأخرت عليكي…. وانا وعدك اني متأخرش
نجاة بصدم#مه؛ انت وعدتني!
غسان بضحك من منظرها: اه يا قلبي نسيتي ولا اي …. عامله كيف دلوقتي
نجاة بدهشه؛ انااااا
اسماعيل بمقاطعه وهو ينزل على السلم؛ ابااااه….مالك يا واد مقرب منها اكده ليه… اتحشم
غسان بضحك: حاضر يا ابوي….يلا انا واقع من الجوع
