غرام تركي
رسلان بصله من كذبهم وهو مش فاهم حاجه هو شايف بعيونه غرام جايه لواحدها وعلي كان مستنيها على أول الشارع فيه حاجه مش مظبوطه
رواية غرام تركي الفصل السابع عشر 17 بقلم لؤلؤه محمد
رسلان كان واقف في البلكونه اللي في الصاله مش جايله نوم من تفكيره في علي وغرام وكانت غرام سهرانه وطلعت عشان تعمل حاجه تشربها لاقيت رسلان واقف في البلكونه
غرام / انت لسه صاحي
رسلان بصلها جامد وهو بيضيق عيونه / كنتوا فين يا غرام انتي وعلي
غرام / كنا في دار الأيتام
رسلان / مع بعض
غرام / أيوه
رسلان / بس أنا شوفتك وانتي جايه لواحدك وعلي كان مستنيكي على باب الشارع
غرام / شوفتني وأنا ماشيه لواحدي ومشوفتنيش وأنا واقفه مع صاحبتي
رسلان باستغراب / صاحبتك
غرام / أيوه كنت جايه أنا وعلي ووقفت شويه مع جنات وعلي سبقني شويه واستناني على باب الشارع
رسلان/ اه تمام
غرام / ممكن أفهم ليه التحقيق ده
رسلان / لا تحقيق ولا حاجه أنا بس استغربت فقولت أسألك
غرام / وانت مشوفتش كنت بتسألني ازاي ده كأنك بتتهمني بحاجه أنا معرفهاش
رسلان بصلها جامد / غرام انتي عمرك ما حبيتي
غرام بصتله بصدم#مه ومش عارفه تتكلم
رسلان / ايه السؤال صعب أوي كده يا اه يا لأ
غرام / لأ
رسلان / ولا بتفكري
غرام / أفكر في ايه
رسلان / تحبي وتتحبي وتعيشي قصة حب زي الروايات والأفلام
غرام ببرود / الحب الحقيقي هو اللي يجي يخبط على بابي ويطلبني من أهلي لكن لعب العيال وجو دحرجيني يا لامونه ده مش تبعي
رسلان بإعجاب وضحك / دحرجيني يا لامونه
غرام / اه
رسلان / طب واللي يخبط على بابك ويطلبك
غرام / هرفضه
رسلان بصدم#مه / طب وترفضيه ليه
غرام بمرح / يرضيك أتجوز واحد يذلني بفشلي
رسلان بضحك / بمناسبة الفشل ازاي عندك 25سنه ولسه داخله تانيه كليه
غرام / أصل أنا الأول دخلت أصول دين سقطت وبعدين حولت شريعه سقطت سنه وأديني في تانيه أهو
رسلان / ده انتي قديمه في الشغلانه بقى
غرام / أينعم
رسلان / طب ولو مش هيذلك بفشلك وهيدعمك حتى لو فاشله تقوليله ايه
غرام / أقوله يا مراحب يا برنس
رسلان برفعة حاجب / برنس
غرام / انت هتصاحبني والا ايه تصبح على خيرات الله ودخلت بسرعه قبل ما تسمع رده
ورسلان كمان دخل نام
جه يوم جديد على الكل ورسلان صحي من النوم وراح المقر وهو عنده إصرار لازم يعرف مين هو الوحش وصل ودخل مكتبه شويه ودخل يوسف / ده الملف بتاع الوحش فيه كل معلوماته اسمه وعنوانه
رسلان فتح الملف والصدم#مه ظهرت على ملامحه بص ليوسف بصدم#مه ورجع بص للملف بصدم#مه بتزيد / دي
رواية غرام تركي الفصل الثامن عشر 18 بقلم لؤلؤه محمد
رسلان بصدم#مه / دي حاجه متدخلش عقل
يوسف / أنا كمان اتصدمت زيك مش ده عاكف اللي كان سقط في أول سنه كليه وخرج منها
رسلان / أيوه هو بس ازاي قام بسرعه أخد مفاتيحه
يوسف / انت رايحله
رسلان / أيوه
يوسف / طب خدني معاك
رسلان ويوسف خرجوا وصلوا للعنوان طلعوا العماره وخبطوا على باب الشقه بس مفيش حد بيرد باب الشقه التانيه فتح وطلع منه واحده لابسه إسدال / فيه حاجه حضرتك عاوزين حاجه
رسلان / مش دي شقة الأستاذ عاكف زناتي
البنت / أيوه حضرتك بس هو مش موجود
رسلان / أومال فين
البنت / ده هو راح يحلق ويجيب شوية طلبات لما يجي أقوله حاجه
يوسف / هو حضرتك مراته
البنت / لأ أنا أخته عاكف مش متجوز
رسلان / طب لو سمحتي لما يجي ابقي خليه يرن عليا واداها الكارت بتاعه وماشي بس ملقاش يوسف وراه فبص عليه لقاه واقف مسبل للبنت شده من هدومه ومشي
البنت ضحكت بخفوت ودخلت وقفلت الباب وبصت في الكارت وانصدمت وجريت بسرعه على أوضتها ومسكت فونها ورنت بحد / غرام بت يا غرام قولتيلي اله-كر ده اسمه رسلان سيردار قدسي ؟
غرام / ايوه ليه
روان / أصله جه لعاكف هنا واداني الكارت بتاعه عشان أخلي عاكف يبقى يكلمه
غرام / ايه ده وهو يعرف عاكف منين
روان / علمي علمك ياختي
غرام / طب طيري سلام
روان / سلام
____
عند رسلان ويوسف كان رسلان شادد يوسف من هدومه / يابني انت مش خاطب
يوسف / لأ
رسلان / هو ايه اللي لأ
