طلبت منى
يا بنتي...ركزي معايا أميره بضحك: خلاص انا جبت دماغي اهو إسلام: حاولي تقربي منه...خليه يحب يتكلم معاكي....عرفيه بتحبي ايه وبتكرهي ايه وكده سيبك من كلام الفيمنست بتاعكم ده احنا غلابه والله اميرة: يعني تشلونا بتصرفاتكم وتقولي غلابه!!!! إسلام بضحك: والله كلمه حلوه واكله حلوه بيحلو اي حاجه بالنسبالنا أميره: شكرا علي معلوماتك والله تعبتك معايا...سلملي علي ملك ها إسلام بغمز : عدي الجمايل بقا " انا وإسلام اخوات وصحاب من صغرنا بنقول لبعض كل حاجه وكنت حابه اسمع رائيه المره دي بالذات لانه راجل وهيفهم تفكير الراجل برضو لكن صحبتي هتقولي هو مش بيحبك ولا مهتم بيكي وتولع الدنيا وانتم عارفين بقا" _____________________________ كريم: مساء الخير أميره: مساء الورد بص انا جعانه من بدري ومستنياك نتعشا مع بعض كريم: بجد!!! ده انتي كل يوم مش بتاكلي معايا وبتتعشي بدري اميره: لا ما انا قولت اغير بقا واكل معاك ياباشا كريم بضحك: احلي تغير هغير بسرعه واجي أميره: بص بقا شويه ورق عنب علشان عارفه انك بتحبه حسيت انه فرح جدا....هو ورق العنب بيفرح فعلاً بس هو اتبسط اني قولتلوه ان ده علشانه مخصوص كريم: تحفه جداااا اي ده انتي غيرتي مكان الشاشه أميره: اه علشان تكون قدام الانتريه ونقعد نتف*ج هنا مع بعض كريم: ااه عندك حق بڈم ..ا كل واحد*كون قاعد في مكان لوحده "علشان هو بيحب يقعد يرتب شغله وورقه في الأنتريه وانا كنت بقعد بعيد اتف*ج علي التلفزيون" أميره: بتعرف نسكافيه بفوم (بوش ) كتير؟؟؟ كريم: ده انا استاذ فيها أميره: يبقا اعمل اتنين وتعالي نقعد في البلكونه وانا هشيل الاطباق كريم: حلو اوي...يلا أميره: جتلي فكره...تعالي نلعب صراحه يعني انا هسأل**ؤال وانت تجاوب بصراحه كريم بضحك:انا بقلق من الاسئله دي وتقريبا انتو بتكونو محضرين الاسئله أميره: انت تعرف حاجه عني تعرف حياتي كانت ازاي او بزعل من ايه كريم: لأ...بس احب اعرف اجابته فرحتني جدا وحسيت انه مهتم يعرف أميره: وانا كمان مش عارفه حاجه عنك يبقا نعرف بعض بقا كريم: اتفقنا...يلا اسئلي أميره: قولي حاجه اتمنيتها زمان وزعلت اووي انها محصلتش كريم:اتمنيت اكون مهندس...ذاكرت وتعبت علشان الحلم ده ومعرفتش ادخل هندسه وزعلت جدا دخلت تجاره
انجليزي وقررت اجتهد فيها علشان اثبت لنفسي اني ممكن انجح في اي حاجه حتي لو مش بحبها بس عارفه اي احلي حاجه؟؟ أميره بتركيز:ايه؟؟ كريم: الرضا والثقه في رحمه ربنا بيك وان ربنا عارف الأنسب ليك والمجال اللي انت هتقدر تنجح فيه انا دلوقتي ماسك الاداره الماليه في الشركه وليا مكانتي المهمه في الشركه واكيد لو كنت داخلت هندسه مكنتش هكون في المركز ده علشان كده ڈم ..ا بقول قرب لي كل خير يا الله وحببني فيه، وابعد عني كل شر واصرفني عنه" "لو اطلعتم علي الغيب ل اختارتم الواقع" حسيت انه كبر في نظري بعد الاجابه دي أميره: عندك حق...ربنا يراضينا ويجبر بخاطرنا طيب قولي حبيت قبل كده!! كريم: لا بقا انتي سألتي مره وأنا دوري اسأل أميره: ايوه صح..اسأل كريم: اي الحاجه إللي فكرتي فيها كتيير زمان وكان نفسك تحققيه وبتحلمي بيها أميره بهزر: ما انت ضعيت حلمي خلاص كريم باستغراب:انا!!! ازاي أميره: كان نفسي اعيش قصه حب جميله مع شخص زعلي مشكله عنده وفرحتي هدفه يعرف تفاصيلي واشاركه افكاري وافراحي واحزاني يحبني علشاني انا بعيوبي ومميزاتي كريم: قصدك ان ده محصلش علشان اتجوزتي صالونات وبسرعه كمان أميره: يمكن علشان ملحقناش نتعود علي بعض ولا علشان بقرء روايات كتير واتعشمت اكون زيهم؟؟؟؟ كريم: لا من حقك تحبي وتتحبي وتكوني مطمنه وقلبك مبسوط وبالك وعقلك مرتاح أميره: ايوه انت كده فهمتني كريم: امممم طب واللي يحققلك الحلم ده؟؟ اميره بدهشه: ايه ده ازاي كريم: نعيش فتره الخطوبه تاني أميره بفرحه: بجد والله!!! بتتكلم بجد ولا بتهزر كريم بضحك: بجد والله بصي احنا اكننا مخطوبين وكتبنا الكتاب بس أميره: حلو اوووي موافقه نبدء من بكرا علي طول كريم: اتفقنا ____________________________ أميره: كريم كرييييم اصحي بسرعه كريم بنوم: هي الساعه كام أميره: 8 الصبح قام وبدء واتوضا وصلي رايح يحضر هدومه شاف المنبه كريم: يعني الساعه 7 وبتقوليلي 8 ماشي انا هوريكي توقيت السعوديه اللي عاشيه فيه ده فتح بابا الشقه براحه ورن الجرس ودخل تاني اميره راحت تفتح ملقتش حد كريم دخل المطبخ واستخبا جنب التلاجه أميره: مين رن الصبح كده ومشي؟؟! مش مهم...كريم هيتفاجا انه صحي الساعه 8 وهشوف هيعمل ايه هو بيتحرك الطباق وقعت أميره: يامااااااامااااا عفرېت عفرېت كريم بضحك: لما انتي قلبك خفيف بتعملي مقالب فيا لييييه أميره لسه مخضوضه: حړام عليك يا كريم وقعت قلبي وانا اصلا بخاف من خيالي كريم بغمز: سلامه قلبك يا قمر اميره بتوتر:
