حضرتك
-أنا هنزل أجهز العربية وأكلم عمار يقابلنا في المستسفى هو يعرف دكتورة كويسة هناك.
_طيب ياحبيبي.
نزل وسابني مع بباه لوحدنا، خدت نفس وقربت منه، أبتسملي بحنية وأتكلم وهو بيمسك كف أيدي.
_ما شاء الله طول عمرك جميلة ورؤيتك بترد الروح ياجهاد.
دمعة نزلت مني وأنا ببص على أطراف صوابعي وبفتكر شكلي وتعبي، أتكلمت وأنا برفع عيوني ليه.
_مبقيتش جميلة زي الأول، أنا أتشوهت ياعمو، بقيت مسخ لا حصلت إنسانة عايشة ولا حتى مېته، روحي متعلقه بين السماء والأرض، وجع في قلبي وكل أطرافي، أنا مريت بسنين عذـ،ـاب ياعمو متخيلتش في أسوء كوابيسي أن دا كله يحصل معايا، أنا بقيت بخاف من صوت الباب وصوت أنفاس الناس حوليا، كأني طير وبتروا جناحه، عايش بجناح وكل أمله أنه يرجع يرفرف تاني، بس دا مستحيل يحصل، هيوصلولي هنا، جدي مش هيعدي هروبي بالساهل، ھتكون نهايتي وكنت عارفة كدا وأنا بخرج من هناك.
شھقت من كتر العياط كان واقف بيسمعني بكل حواسه، كنت حاسة أن وأخيرًا في حد بيسمعني، أنا مش لوحدي في الدنيا، في حد ممكن أخرج كل وجعي قدامه، كملت كلامي وأنا ببتسم وسط دموعي.
_بس تعرف الفكرة حلوة أوي، أنا مقدرتش في يوم أنهي مأساتي دي خوفت مجتمعش بأهلي في العالم التاني، لكن هم هيعملوها بكل سهولة، مجرد هروبي فهو حكم بالأعدام عليا، لو لقيوني هتنتهي مأساتي وألمي، كل حاجة هتخلص.
_أخرسي، متقوليش كدا تاني.
_محدش هيمس منك شعرة وحدة، أنتِ هنا في أمان ياحبة عيني، أنا مستحيل أسيبك تاني، ذنبي إني سبتك كل السنين دي معاهم، وعمري ما هسامح نفسي، أنتِ هترجعي بخير هترجعي تضحكِ وعيونك تلمع، كل حاجة هترجع بس أنتِ خليكِ قوية.
_تعبانة أوي، روحي من جوه بتڼزف ومعرفش ليها دوا ولا ترياق، كأن المoت هو الراحة اللي بدور عليها ومش قادره أنولها.
_فين ظنك بالله؟ كنت دايمّا أسمع أبوكِ وهو بيقول أننا عايشين بحسن ظننا بالله، أبوكِ نسي يعلمك أن مهما الظلام أشتد في فجر جاي، متيأسيش أنا معاكِ.
