حكايه شهد مع الايام

العقل بيقول تقعدى كده وتفكرى هتعملى ايه إنما هتتهورى وتروحى ليهم هيمسكوكى وهيفضلوا يعذبوا فيكى لحد ما تعملى كل اللى عاوزينوا منك وبردو مش هيدوكى اخواتك عشان تفضلى تحت رحمتهم فكرى بهدوء وان شاء الله توصلي لحل
قعدت شهد تانى مكانها وقالت اعمل ايه ياربى 
وفضلت قاعده هتتجنن مش عارفه تعمل ايه
وتفكر وتقول لنفسها اعمل زى ماقالوا وانزل اصتطاد واحد تانى يكون شكله غنى ومتريش واسلمه ليهم
بس ما انا عملت كده وماقدرتش وضميرى صحي فى اخر لحظه وهربته طب اعمل ايه ياربى
عدى ساعتين وهى قاعده تفكر ومحتاره هتعمل ايه وتتصرف ازاى لحد ما قالت لا انا لازم اروح ليهم يمكن يسماعونى واللى يحصل يحصل

ولسه قايمه وجدت حازم داخل عليهم
شهد كنت حاسه انك هترجع تانى ومش هتسيب أرواح ټموت وانت بايدك تنقذها
حازم مد ايده وقال خدى ياشهد 
شهد ايه ده يا حازم 
حازم تنازل عن السياره والمفتاح بتاعها ودى الفلوس اللى معايا خدى اديهلهم وانقذي اخواتك منهم 
شهد انت بتتكلم بجد ياحازم 
حازم ايوه بتكلم بجد ماقدرتش احس انى ممكن انقذ روح أطفال واتخلى عنهم بسهوله كده 
ماحستش بنفسي الا وانا طالع على السلم وداخل عليكى 
شهد انا مش هنسالك الجميل ده انا هعيش خدمتك طول العمر 
وقامت بسرعه عشان تروح ليهم 
حازم مش تكلميهم الاول عشان تتفقى هتقبليهم فين ويجهزوا اخواتك 
شهد عندك حق 
اتصلت شهد عليهم
شهد ايوه انا جهزت كل اللى كنتوا عاوزين انا جيه عشان اديكم حاجتكم وانتوا تدونى اخواتى
هما تمام بس اوعى يكون ملعوب كده ولا كده 
شهد ملعوب ايه انا اقدر اتنفس واخواتى معاكم 
هما ايه هو سي روميو بتاعك ضحى عشان حبيبته
شهد انتوا مالكوا بقى ومال ايه اللى حصل هو اكل وبحلقه 
هما ماشي بس نحب ننبه عليكى تانى لو فى حاجه منكم كده ولا كده انتى عارفه ايه اللى هيحصل 
شهد مسافة الطريق وهكون عندكم فى المكان اللى اتفقنا عليه قبل كده وقفلت الخط 
حازم اجى معاكى 
شهد لا بلاش لا يحسوا ان فى حاجه ناوين عليها وبعدين يأذوا اخواتى
حازم وانتى بتعرفي تسوقى 
شهد يا ابنى اللى شوفته فى الدنيا دى علمنى كل حاجه انا اشتغلت تباع وكنت بسخن السياره واطلعها من الجراش واركنها وادخلها لقمة العيش يا ابنى تعلمك اى حاجه
سبني بقى اخواتى وحشونى 
ونزلت شهد وركبت السياره وراحت عليهم 
الست العجوز كتر خيرك يا ابنى انت اللى زيك خلصوا من الدنيا 
حقيقي انا عشت العمر الطويل ده كله بس ما شوفتش حد يضحى الټضحيه دى كلها عشان ناس ما يعرفهمش 
بس كان المفروض تروح معاها انا خاېفه عليها 
حازم ما تقلقيش انا عارف انا بعمل ايه وهى عرفاهم كويس وعارفه دماغهم
الست العجوز ربنا يستر ويعديها على خير وترجع باخواتها يارب البنت دى صعبانه عليا من ساعت ما عرفتها وانا ماشوفتهاش فرحت ولو مره واحده 
حازم عن اذنك هعمل تليفون صغير 
حازم ايوه يا حسام 
حسام ظابط صديق حازم ايوه ياحازم احنا متابعين السياره ما تقلقش كل شيء تحت السيطره 
حازم خد بالك ياحسام ليحسوا بيكم وبعدين يأذوا شهد وأخواتها
حسام دا شغلنا ياحازم انت هتوصينا ولا ايه
حازم لا طبعا ياحسام انا بس بقول كده من قلقى عليهم 
حسام مفهوم مفهوم ما تقلقش ياسيدى هيرجعوا ليك بخير ان شاء الله 
قفل حازم الخط وهو بيقول ربنا يستر
الست العجوز سمعت المكالمه 
واول ما حازم خلص قالت 
ازاى يا ابنى تبعت وراهم حد انت مش خاېف يحسوا بيهم انت كده بتعرض شهد وأخواتها للخطړ
حازم غلبتينى ياحاجه 
الست العجوز كلمت امى منك احلى 
حازم غلبتينى يا امى مش من شويه كنتى زعلانه انى سبتها تروح لوحدها دلوقتى زعلانه انى باعت وراها اللى يقدر يحميها ويحمى اخواتها وبعدين ما تقلقيش هما عارفين شغلهم كويس هما هيرقبوهم من بعيد من غير مايحس بيهم وطول ما مفيش خطړ على شهد مش هيتدخلوا وبعد ما تنتهى عملية التبادل بينهم هما هيتبعوهم ويمسكوهم فى مقرهم ومتلبسين بحيازة السياره وكل حاجاتى اللى متبلغ باوصافها ما تقلقيش يا امى كل شيء معمول حسابه وربنا يستر
الست العجوز ربنا يستر يا حازم يا ابنى 
شويه ورن تليفون حازم 
حازم ايه بتقول ايه يا حسام 
حسام انا اسف ياحازم ڠصب عننا مش عارف اقولك
دول طلعوا شوية حيوانات ما فيش فى قلوبهم رحمه
حازم فى ايه