حب زائد عن اللزوم
أهي لاقيته بيضحك وبيقول لي دي سلمى بنت الجيران الجداد اللي فوق شقتنا أمورة أوي يا حبيبتي مش كده كنت هنزل الشغل وأنا قلقان عليك هسيبها معاك بقى وأنا مطمن عليك خدي بالك من طنط يا سلمى
إنت بتتكلم بجد هتنزل وتسيبني لوحدي بعد كل اللي أنا حكيتهولك ده واللي حصل امبارح
برضوا مصرة إن في حاجة حصلت يا حبيبتي إنت كنت تعبانة ومرهقة امبارح حاولي بس تهدي النهاردة ومتنزليش الشغل وارتاحي وإنت هتبقي كويسة
واقفة جنبي في
الحمام
إنت ډخلتي هنا ازاي
أنا جايبة لك الفوطة تمسحي وشك الباب كان مفتوح
لأ أنا قفلته
لأ كان مفتوح
بقولك أنا قفلته
صدقيني كان مفتوح السخان ده زي اللي كان عندنا وۏلع في شقتنا
ايوه
إنتوا كنتوا ساكنين فين قبل ما تنقلوا فوقينا
هنا
هنا فين
متخديش في بالك
بس خلاااااص كفااااية بقى
إنت پتصرخي في ليه أنا معملتش حاجة
بدأت أهدي نفسي واتنفس براحة لاقيتها هتعيط معرفتش اتعاطف معاها ولاقدرت أمد إيدي أطبطب عليها قولت خلاص معلش تعالي نفطر سوا ومشيت دخلت المطبخ لاقيتها جاية ورايا حضرت الفطار على الترابيزة ومليت لها كوباية لبن وحضرت نسكافيه لي وقعدنا نفطر لاقيتها مش بتاكل وقاعدة تبص لي ومركزة معايا
أنا فطرت
طب اشربي اللبن
مش بحبه
إنت معندكيش مدرسة
النهاردة اجازة
اجازة يوم التلات!
تعرفي إن جوزك حلو
نعم
متخديش في بالك المكرونة عجبتكم
إنت مين
بقولك المكرونة عجبتكم
إنت اللي كنت بتطبخي المكرونة هنا أول امبارح بليل
وأنا اللي عملت مساج لجوزك
إنت مين وبتعملي إيه في بيتي
إنت اللي قاعدة في بيتي ولازم تمشي
وقاعد يبص لي قولت
له لو سمحت نادي جارتنا
