بقلم ايه الرحمان
اجيبهالك!
ساره لا ابدا هعوز ايه بعد اللي جيبته دا كله بجد يامحمد مش عارفه أقولك ايه علي كل اللي بتعمله عشانى! ده كتير اوى
محمد اى حاجه في الدنيا ماتسواش احساسى وانا واخدك في حضڼى كل يوم قبل ما انام انا اتولدت من جديد حياتى كلها اتغيرت بسببك ....... ۏمسک ايدها وحطها على شفايفه
محمد ربنا يخليكي ليا يا حبيبتي
واخيرا وصلوا البيت بعد غياب اسبوع
اتفاجأت ساره لقيت بالونات متعلقه في السقف
واسمها واسمه مكتوبين على الحيطه بشكل جميل وتورته
ساره مش مصدقه عنيها ايه ده يامحمد!!
محمد ده فرحنا
ساره فرحنا ازاى
يعنى
محمدانا مش قولت لك العمره هتبقي اجمل حاجه نبدأ بيها حياتنا
ساره جريت على محمد واخدته في حضڼھ بقوه بحبك يا محمد
دخلت ساره لقيت فستان ابيض تحفه علي السرير وجنبه بدله رجالي
ساره ايه ده فستان وبدله احنا هنعيده تانى !!
محمد لا احنا بنبدأ لسه انسى اللي فات وابدأى معايا من النهارده بدايه جديده
بذمتك محمد وساره النهارده زى محمد وساره من شهرين
ساره بمرح ماتفكرنيش ههههههههههه
اول ما محمد ماشافها وقف وفضل يبصلها بحب وابتسامته ماليه وشه
وهى مبتسمه وحاسه بسعاده وفرحه ماليه قلبها
محمد قمر ..... انا متجوز قمر
ساره انت اللي زى القمر في البدله انا مكنتش شايفاك امور كده أول مااتجوزنا
محمد بمرح وده ممكن يرجع لسببين
اما انا احلويت لما قعدت معاك ياجميل او السبب التانى انك حبتينى ومراية الحب عاميه كما تقول الأسطوره
محمد مبتسم مش عارف بقي انتى اللي تقولي
ساره مش عارفه بس اللي اعرفه انى بحبك وبس
محمد ودى كفايه عندى عشان ابقي احلى إنسان على وجه الارض .... يلا بقي يا ساره
ساره يلا ايه!!
محمد في عروسه برضو يوم فرحها تسأل عريسها يلا ايه!!
ساره اټكسفت
محمد لا مش يومه خالص انتى بقالك شهرين مكسوفه النهارده اجازه
ساره اه بحبها اوي
محمد خلاص تعالي معايا جوه في أوضة النوم وانا هحكيلك حكايه حلوه اوى
ساره حكاية ايه!
محمدحكاية الزواج السعيد
دخلوا سوا الاوضه
ساره اتفضل احكى الحكايه
محمد لا دى هنمثلها مش هنحكيها
وقرب منها ومسح بايده علي شعرها وهى حاسه بطمأنينه مش عاديه معادتش حاسه انه غريب عنها بقت حاسه ان هو أأمن مكان لها في الوجود
وبدأت حياتهم كزوج وزوجه كحبيب وحبيبه ربنا جمعهم سوا عشان يكملوا بعض
محمد كان حاسس يومها انه ملك الدنيا باللي فيها لما اتأكد انه ملك قلب حبيبته وقدرت تحبه وتنسي وتسامحه
وساره كمان نامت وهى مطمنه وفرحانه ومس مصدقه ان الامور كلها مشيت بالشكل الصعب ده عشان يوصلوا في الأخر للفرحه والالفه دى
نامت وعيونها مانزلتش من علي محمد لحد ماراحت في النوم
ومرت الايام ومحمد وساره فعلا كانوا سند لبعض هى بتشجعه انه يخلص الدكتوراه ويتفوق فيها وهو بيشجعها لحد ماخلصت دراسه في الاكاديميه وبدأت تحقق حلمها واشتغلت في الترجمه وقدرت تثبت مهارتها وذكاؤها
ومحمد سعيد بنجاحها وفخور بحبيبته الصغيره اللي ملكت قلبه وهى بتنجح قدامه وبتحقق طموحها
زهره ازيك يا ساره اخبارك ياحبيبتي
ساره الحمدلله ازيك يا ماما اخبارك
زهره الحمد لله يا حبيبتي بخير
اخباركوا انتو ايه!
ساره كويسين الحمد لله
زهره مفيش حاجه كده جايه في السكه تفرحونا بيها
ساره اكيد لو فيه حاجه هقولك ياماما
زهره بقالكو سنتين ياحبيبتي متجوزين حاولى تروحى لدكتور وتشوفوا ايه المشكله
ساره حاضر يا ماما
رجع محمد من شغله لقى ساره شكلها متضايق
محمد مالك يا حبيبتي فى حاجه مضايقاكى
ساره كنت عايزه اكلمك في موضوع
محمد پقلق خير ياحبيبتي في ابه
ساره انا كنت عند الدكتوره النهارده وقالت لي ان عندى شوية مشکل وهيبقي عندى صعوبه انى أحمل
وانا مش عايزه اظلمك انا عارفه انك بتحبنى بس من حقك تكون اب وانا مش همنعك من كده
محمد بصډمھ يعنى ايه يا ساره!
ساره يعنى تتجوز يا محمد زى ماكل الناس بتعمل
في المواقف دى
محمد پعصبيه انتى بتقولي ايه اخر مره اسمعك تقولي الكلام ده انا مستحيل ابقي لحد غيرك ولو هتمنى في حياتى طفل
