نهايه قبل البدايه
انت في الصفحة 1 من 3 صفحات
_لو سمحت ي آنسه
_نعم
_نازله المحطه الجايه!
_وقتها بصلتى باستغراب وبصت لعيونى اوى لأ انا مش مرتبطه
_حضرتك انا بسألك نازله المحطه الجايه!! لانه لو نازله كنت هسألك ع عنوان هناك
_متأكد
مش عارف ليه قلبي اتقبض انا فعلا بسألها علشان افتح معاها موضوع واتعرف عليها ليه جاوبتنى ع السؤال اللى مفروض كنت اسأله م البدايه!!!
_ايوه نازله المحطه الجايه
_ممكن انزل معاكى
_هتقول دلينى ع عنوان هناك برده
_ايوه
_بس انا مبتعرفش ع حد
_ليه
_كنت خاطب قبل كده
_لأ
_كداب
_ايوه كنت خاطب
_سبتها علشان خلت بيك
_انت تعرفيها
_لأ
_وانت عرفتى منين
_عيونك
_بتكلم بجد
_وانا بتكلم بجد
لأ دى اكيد تعرفنى ي تعرفها استحاله تعرف عنى حاجه زى كده وانا لسه اول مره اقابلها ف القطر انا عمرى ما شفتها غير انهارده...
_حنان
_وانا أسمى...
_اسمك فرحات
_انت تعرفينى صح!!
_سمعت الكومسري بيناديك
_غريبه اوى
_ولا غريبه ولا حاجه اعرف عنك كل حاجه اسمك وسنك وعنوان بيتك اللى هو أساسا المحطه اللى فاتت وأنت مصمم تكمل وتنزل معايا بحجه انك تتعرف عليا وتعلقنى بيك فتره وبعدين تمشي وتحب واحده تانيه وتتجوزها
_......
_بس انا مكنتش هعمل كل ده! أنا فعلا كنت عاوز اتعرف عليكى بس انت عرفتى كل ده ازاى!!
_عيونك
_لأ سيبك بقا م العيون... الكلمه دى احنا الولاد بنقولها علشان نعرف نوقعها كويس إنما أنت تعرفينى !
_سلام انا ماشيه
_طب عاوز اشوفك تانى هوصلك ازاى
_انا هوصلك
_ازاى طب خدى رقمى اهه
_الرقم معايا متقلقش
وقتها سابتنى ومشيت حاجه غريبه جدااا هى ي اما عارفانى كويس وانا معرفهاش ي اما لها علاقه بالقرين ومخاويه انا عقلى احتار بصراحه...
_ألو
_عامل اي ي فرحات
_انت مين
_حنان
_قمت اتعدلت مش عارف اي حصلى كأنه ف كهربه لمست جسمى انت جبتى الرقم منين
_لا دى سهله اوى المهم طمنى عليك
_انا تمام
_ينفع اشوفك بكره
_ياريت طبعا بس عاوزه أسألك انت بجد تعرفى عنى كل ده ازى
_ابتسمت يعنى انت بتحبينى بقا وتعرفى عنى كل حاجه
_بالضبط كده
_طمنتى قلبي وفرحتينى جدا ع فكره.. انا لما شوفتك ف حاجه غريبه حصلتلى لقيتنى تلقائى بكلمك ومنزلتش المحطه
بتاعتى... ممكن ده يكون حب من اول نظره!
_يمكن ليه لأ!!
فضلنا نتكلم للصبح حسيت انه اعرفها من سنين من كتر ما هى عارفه عنى كل حاجه مكنش بعرفها عن نفسي فضلت اسمعها وبس ف حاجه بتجذبنى ليها وكأنها ربطت قلبي بخيوط وعماله تسحبها ناحيتها....
_وانت كمان وحشتنى اوى
_دى تانى مره اشوفك فيها بس حاسس انه اعرفك من سنين وانها مش تانى مره
_مصدقاك
_انت غريبه اوى
_ازاى
_مش عارف تصرفاتك وافعالك حتى نظره عنيكى مش طبيعيه
_ع اساس انه انت طبيعى
_ايوه انا انسان عادى إنما أنت حاسك مش زى البشر بتعرفى حاجات عنى واحنا متعرفش بعض غير من كام يوم حاسك بتقراى اللى جوايا من غير حتى ما
