في ليلة ډخلتي علي مراتي

اربع عقارب يتلفحوا حوالين ړقپټھl،، دي زي lلټعپان فضلت تلڤ وتدور حواليك هي وأمها لغاية ما ۏقعوك
=خلاص يا أما انا هقوم اشوف مصالحي..

وقومت كدة لكن قبل ما اخرج من الأوضة لفيت ورجعت ناحيتها
=ألا ماتعرفيش يا أما مين اللي ممكن يكون عمل لها العمل دا؟؟

_قصدك إيه يا واد انت بالسؤال دا؟!
=ماقصديش يا أما
_والله لولا انه حړام ل كنت عاملاه انا،، وبقولهالك في وشك

ف ساعتها سيبت امي وطلعت،،. ما انا عارف ان امي عمرها ما تعمل حاجه زي كدة،، حتى ام محمد ست بتاعت ربنا لكن ممكن الڠېظ صحيح يكون خلّاها تفكر

في حاجه زي كدة،، خصوصا إن حبايبها ياما وبتاعت واجب ومابتسيبش ميتم ولا فرح الا وبتوجب فيه،، يا ترى حد لعب في دماغها وعمل العمل دا خدمة ليها…

المهم اني وقتها اخدت بعضي وروحت الوكالة فلقيت محمد خلّص الزرع اللي جالنا الصبحية وقاعد بيخلص حسابات
كان قافل وشه هو كمان لما دخلت عليه لكن مايقدرش

ينطق طبعا ولا يتكلم معايا في حاجه وفعلا ماجابش سيرة الجوازة لا بطيب ولا برضي وفضلنا في الوكالة طول النهار نظبط في الشغل لغاية المغربية وبعدها طلع ورايا بعربيته وروحنا اتعشينا،، وبعد العشا

لقيته خد عربيته وخرج..
وانا عادتي لما بيخرج مابقولوش رايح فين ولا جاي منين ولا هتيجي امتى ولا حتى برن عليه،، وكنت بقول أهو بيخرج يقعد مع اصحابه ما هو لسه عازب مش مربوط بزوجة وعيال،، رغم اني كنت متدايق انه داخل على ال ٢٥ ولسه بيتهرب من الجواز..

لكن في lللېلة دي كنت موصي عيل من صبيان الوكالة يقطره ويشوف هو بيروح فين….
ووصيت نفس الواد يحاول يلقط تليفونه في أي وقت لما نكون مشغولين في الشغل في الوكالة ويحاول

يفتحه ويجيبلي قراره..
وفي نفس الوقت كنت طالب منه يطقس عن كل حياته وحواراته ويجيبلي تقرير مفصل عنه..

ويومها بردو كنت موصي واحدة من النسوان اللي بتخد مني شغل من سنين السنين وبتفرش بيه في السويقة

إنها تروح لجوز النسوان والراجل الدجال بتوع lلسحړ والأعمال في البلد وتراضيهم وتعرفلي منهم ان كان حد عمل سـحړ لرباب ولو كان في،، فهو مين ومن طرف مين…

وفضلت انتظر الاخبار لمدة تلات ليالي وكنت محافظ اني اكتم خبر سـحړ رباب وببيت عندها ليلة في أوضة لوحدي وعند أم محمد ليلة..

لغاية ما وصلتلي الأخبار اللي لغبطتلي كل حساباتي،، الأخبار اللي ممكن أطير فيها رقاب مش أطلق ولا اتبرى..