ما تيجى

انت في الصفحة 1 من 34 صفحات

رواية احببت اخر
ماتيجي يا بنتي تعملي معايا اي حاجه بدل واقفتك في البلكونه كده

=ثواني بس ياماما اشوفه لما ينزل

-هو مين ده الي هتشوفيه لما ينزل يا بت

=بتوتر ها المطر اه المطر

-والله وهو المطر هينزل في عز الحر كده وبعدين احنا في الصيف يا ختي

=ياماما بقه

-طب خشي اعملي الطبقين الي في الحوض

=اه اه طبقين انتي هتقوليلي واتفاجئ اول ما اخش ب مطبقيه الاطباق كلها بتبقا في الحوض

-طيب يالمضه خشي اعمليهم

بفرحه=اهو نزل نزل

-هو مين يابنتي

=اه المطر المطر

-وريني كده مافيش حاجه يابنتي انتي ھپله

(نتعرف علي بطله القصه ميلا عندها ٢٣ سنه عنيها عسلي فاتح شكلها كيوت اوي وطفله في نفسها وبتحب حسن جارها بس هو مش معبرها بتشتغل في حضانه عايشه مع مامتها واخوها الكبير بس)

(مصطفي اخوها الكبير شغال في مستشفي صحبه دكتور اسنان بيحب ميلا اوي وبيعتبرها بنته رغم ان الفرق ٣ سنين)

ميلا وهي بتقفل البلكونه: مش مهم تشوفي احسن تستهوي

منال مامتها: استهوي طب امشي اغسلي المواعين

مصطفي اخو ميلا: ايه يابت صوتك عالي ليه انهارده

ميلا: علشان انهارده الجمعه يااخويا

مصطفي: يعني هتفضلي قاعده معانا انهارده

ميلا: للاسف الشديد

مصطفي: طيب انا نازل ياماما هخرج مع صحابي

ميلا: ماتخودني معاك ونبي اهو احسن من اني اغسل المواعين
بقلمي/menna moharam
مصطفي: لاا

ميلا: طيب خلاص براحتك ياحبيبي كنت ناويه اقولك حاجه بخصوص آيه صحبتي بس يخساره

مصطفي: تعالي ونتكلم تحت اشطا ومش مهم اخرج مع صحابي وشك احلي

ميلا: ناس مش بتيجي غير بلعين الخضرا