روايه بقلم هنا سلامه
أو إنها تقول عن مهمتها إلي جاية تعملها ..
رغم قوة تهاني وشخصيتها الحادة على عكس فوزية إلي كانت شجن مسكاها من إيدها إلي بتوجعها لكن تهاني كانت بتفكر بطريقة تانية خالص ...
يسرا بزعيق وهي بتهزها بيها إيدها طيب .. أنا هنادي الحراس يتصرفوا معاك ..
وقعت تهاني على الأرض وقالت وهي بتبوس جزمتها وبتتوسلها بالله عليك يا يسرا هانم لأ .. أنا بت غلبانة ويتيمة .. ووالله ما كان معايا حاجة
تهاني بتهتهة وهي إيدها ورقبتها وجلبيتها عليها ډم خلاص .. خلاص والله .. والله هتكلم
يسرا بثقة والله مهما قولتي مش هسيبك ثانية واحدة في البيت دة ..
قالت كدة وهي طالعة من المطبخ ف جرت تهاني وراها وقالت بصوت خاڤت لكنها كانت قريبة من يسرا حتى لو الحاجة دي تخص شجن بنتك !
ساعتها فاقت يسرا من ثباتها على ظل نعيمة وهي طالعة على السلم ..
ف جريت يسرا وهي ساحبة تهاني وراها ودخلوا المطبخ ..
فضلت تهاني تاخد نفسها پخوف .. ف قالت يسرا بهمس وهي بتبص في عيونها إلي إتملت بالدموع .. صوتها كان محشرج من إشتياقها لبنتها .. لكنها كانت مازالت متمسكة بجبروتها ..
وبعدين إزاي .. إزاي ..
كملت يسرا بلغبطة مش هي هربانة ! ولا هي كانت مخطۏفة !
بعدين كملت بلهفة أكتر وتوسل إنهار أمامه حصون كبريائها هي معاها موبايل تقدر تكلمني بالله عليك طمني قلبي .. بنت الكلب دي فين
دي قطعت قلبي عليها شهرين بحالهم .. معرفش عنها حاجة ..
يسرا مسكت إيدها بقوة وقالت أنا من إيدك دي لإيدك دي .. كل حاجة هتقوليها هنفذها بالحرف .. بس أفهم .. بنتي فين
تهاني بعدت عنها وقفلت باب المطبخ وقعدت على رخامة المطبخ وحطت رجل على رجل وقالت أنا إشتركت في الموضوع دة لسببين .. أولهم الفلوس إلي بنتك وعدتني بيهم والشقة إلي هتهربني فيها أنا وأمي والعيشة الجديدة إلي وعدتني بيها ..
بس دلوقتي الإتفاق إختلف .. دلوقتي زي ما هقولك على الحكاية وإلي فيها ممكن أقول لأي حد .. عشان كدة لازم تديني زي إلي بنتك هتديهوني .. دة غير إنك تضمني لي مكان تاني لو فشلت في المهمة أهرب أنا وأمي من بنتك فيه ..
يسرا بعصبية طفيفة قوليلي عاوزة إية فهميني .. وأنا هحقق لك كل مطالبك
تهاني الحكاية وما فيها إن بنتك شجن ظهرت فجأة ..
وضحكتش لينا إن كانت مخطۏفة ولا هربانة .. بس إلي وضحته لينا إنها عاوزة تتخلص من سميحة .. وعاوزة تفشكل علاقة وتر وفخر
يسرا پصدمة سميحة ! لية سميحة
تهاني بإبتسامة باردة معرفش .. أنا عبد المأمور .. كل إلي أعرفه إن لازم سميحة ټموت مسمۏمة بالسم إلي معايا ..
يسرا عيونها وسعت وقالت پخوف ټموت !! بس .. بس
تهاني قاطعتها بسخرية هتقوليلي دي چريمة ! بس لو قولتلك إن في إحتمالية إنها هي إلي تكون سبب في خطڤ بنتك .. دة غير إن شجن هانم متقدرش تظهر غير بمۏتها ..
يسرا بتنهيدة حارة مطلوب مني إية
تهاني رفعت أكتافها ببساطة ولا أي حاجة .. كل إلي عليك إنك متجيبيش سيرة بالموضوع لحد وإنك بتعدي تماما نعيمة عني .. مش عوزاها تلاحظ حاجة ..
ولو تقدري تخلي وتر تكره اليوم إلي عرفت فيه فخر كامل ..
كملت تهاني بتنهيدة أنا مش شړيرة .. أنا بس معنديش إختيار تاني .. وأنت كمان على فكرة .. بنتك أكيد مهمة عندك
يسرا أخدت نفس عميق وقالت بخبث يا ريتني كنت مت قبل ما أخليهم يتجوزوا ..
بس كدة كدة أنا هدمر العلاقة دي بأي تمن .. وبأي طريقة
تهاني إبتسمت ومدت لها إيدها وقالت كدة بقى نبقى إيد واحدة بجد .. بنلعب على مصلحة واحدة .. وهي رجوع شجن
يسرا جت تحط إيدها في إيد تهاني .. لكنها توترت وقالت بس لو في حاجة تانية لسة مش عرفاها .. يا ريت تبلغيني عشان نلعب في طريق واحد بجد !
تهاني ببساطة لا مفيش .. شجن حامل بس
برقت يسرا پصدمة حست بصعقة إحتلت جسمها ... أطرافها تلجت رغم إن جبينها بيصب عرق .. حاسة إن في عاصفة هجمت عليها بدون إعلان أي نسمات هواء باردة حتى .. بل أقبلت عليها بما لا تشتهي السفن ..
حست إن كل شيء بيضيع منها فجأة .. حطت إيدها على قلبها وقالت إزاي !! ومن مين ولية لية يا شجن !
لية تدمري الباقي من سمعتي ! أبوك يتجوز الخدامة وأنت تبقي حامل وتهربي قبل فرحك عشان كدة !! لية لية !
حست يسرا إنها مش قادرة تقف على رجلها ف سندتها تهاني وقالت بلؤم لا يا ست الهانم .. إمسكي نفسك كدة وأصلبي طولك .. إلي جاي أقول من إلي راح ..
ولو عاوزة بنتك ترجع من غير كلام كتير وقيل وقال والحكاية الرواية .. يبقى لازم تنفذي معايا ..
عشان كدة لازم ترجع تلاقي فخر باشا مش متجوز من وتر .. وهي في الشهر السابع دلوقتي .. يعني لازم نخلص في أقرب وقت .. فاهمة
سألتها بهدوء ف حركت يسرا راسها بمعنى أيوة
لكن جواها حرب قايدة ..
بين لهفتها إنها تشوف شجن وتضمها وإنها كان نفسها تكون مرات فخر وتجيب منه طفل يشيل إسمه ..
وبين ڠضبها وسخطها عليها نفسها تشوفها وتديها قلم لحد ما فكها يتخلع بين إيدها .. يمكن تديلها درس ..
بس للآسف يسرا مدتش لشجن أي دروس في الآدب والأخلاق لإنهم كانوا منعدمين عندها ..
لذلك الحياة هتبقى مدرسة داخلي قاسېة عليهم .. وهتكون نهايتهم بشهادة مع مرتبة الخېانة والغدر والجشع .. والأنانية ..
....
قامت وتر من حضڼ فخر كانت الشمس دخلت بإشاعتها الحارة بتتوغل في أوضتهم وبتلمع في عيونها ..
لكنها مش أحر من فرحتها ولا مشاعرها المتوهجة بشعلة عشق في سماء ضلوع قلبها ..
فضلت تتأمله بحب .. أناملها سړقت لحظات وثواني من الزمن في التعرف على ملامحه بهدوء ..
باست جبينه ونامت على كتفه من تاني ..
كل ما تقاوم حبها له ترجع مهزومة تاني بين أحضانه ..
لمست إيده بحنان وقالت بصوت خاڤت هامس ..
