صراحة حمايا معايا

غريبة أن مفيش حد في الأوضة اسمه وليد..

نهال سألتها وليد مين، البنت شاورت عليا وفضلت تقول هو دااا، هو داااا اللي خطفني واغتصبني وبعدين قتلني..

نهال قالتلها بس دا عمرو مش وليد، البنت قالتلها هو كان مفهمني أن اسمه وليد، كان بيقول انه بيحبني وهيتجوزني..

البنت بدأت تحكي تفاصيل كتير، الغريبة اني كنت بتخيل كل حاجة بتحكيها، كل التفاصيل كانت بتترسم قدام عيني، كل دا حصل فعلا، انا فعلا عملت كل دا، انا ضحكت على البنت دي، وخطفتها واغتصبتها وقتلتها، بس والله العظيم ما كنت فاكر اي حاجه، في الفترة اللي عملت فيها كدا انا كنت مريض بانفصام الشخصية، كنت عايش بشخصيتين، وليد وعمرو، كل اللي كنت بعمله بالليل كنت بصحى الصبح مش فاكر منه أي حاجة..

انا حاليا اتعالجت من الحالة دي، بس مش فاكر اي حاجه من اللي عملتها وانا وليد، مش فاكر أي حاجة ومش عارف إذا كانت البنت دي هي الضحية الوحيدة وللا انا أذيت حد قبلها، بس اللي أنا متأكد منه أنها اخر حد انا هأذيه واني مش هأذي حد تاني بعد كدا، مش بس لإني اتعالجت من الانفصام.. بس لإني مت..

أيوه انت قريتها صح، ابو البنت واخواتها مقدروش يمسكوا نفسهم بعد ما سمعوا تفاصيل قتل بنتهم بعد اغتصابها.. قتلوني..

ونهال حضرت روحي في المؤتمر الصحفي دا علشان تثبت للعالم كله أن تحضير الأرواح علم.. وان مفيش حاجة اسمها المoت..

اه..

على فكرة أنا قابلت حمايا هنا، في العالم التاني، اول ما شافني ضحك وقالي مش قولتلك خد الجاتوه دا وروح

تمت